phal phenk ke hamsae ke ghar tang karega

phal pheñk ke hamsā.e ke ghar tañg karegā

ik roz ye āñgan kā shajar tañg karegā

lagtā thā bichhaḌ ke maiñ bahā lūñgī do aañsū

ma.alūm na thā dīda-e-tar tañg karegā

hañs kar tujhe miltī huuñ to ye baat bhī sun le

maiñ ro bhī paḌūñgī to agar tañg karegā

ḳhush-fahmiyāñ tā-umr nahīñ saath nibhātīñ

ik roz tujhe husn-e-nazar tañg karegā

is vāste tanhā use jaane nahīñ detī

jugnū ko añdheroñ kā safar tañg karegā

kuchh roz use dekh ke yaad ā.eñgī chiḌiyāñ

kuchh roz ye TuuTā huā par tañg karegā

sab kahne kī bāteñ haiñ ye iḳhlās-o-muravvat

mat is pe yaqīñ kar vo 'qamar' tañg karegā

phal phenk ke hamsae ke ghar tang karega

ek roz ye aangan ka shajar tang karega

lagta tha bichhaD ke main baha lungi do aansu

malum na tha dida-e-tar tang karega

hans kar tujhe milti hun to ye baat bhi sun le

main ro bhi paDungi to agar tang karega

KHush-fahmiyan ta-umr nahin sath nibhatin

ek roz tujhe husn-e-nazar tang karega

is waste tanha use jaane nahin deti

jugnu ko andheron ka safar tang karega

kuchh roz use dekh ke yaad aaengi chiDiyan

kuchh roz ye TuTa hua par tang karega

sab kahne ki baaten hain ye iKHlas-o-murawwat

mat is pe yaqin kar wo 'qamar' tang karega