phir bhi hai tumko masihai ka dawa dekho

phir bhī hai tum ko masīhā.ī kā da.avā dekho

mujh ko dekho mire marne kī tamanna dekho

ham na kahte the banāvaT hai ye saarā ġhussa

hañs ke lo phir vo unhoñ ne hameñ dekhā dekho

ghar se har-vaqt nikal aate ho khole hue baal

shaam dekho na mirī jaan saverā dekho

mahfil-e-ġhair meñ be-parda tumheñ dekh liyā

ab kabhī ham se ḳhabar-dār na chhupnā dekho

ḳhāna-e-jāñ meñ numūdār hai ik paikar-e-nūr

hasrato aao ruḳh-e-yār kā jalva dekho

dil ko rangīnī-e-ḳhvāhish kī ḳhatā par āḳhir

miltī hai us gul-e-ra.anā se sazā kyā dekho

sāmne sab ke munāsib nahīñ ham par ye itaab

sar se Dhal jaa.e na ġhusse meñ dupaTTa dekho

mar-miTe ham to kabhī yaad bhī tum ne na kiyā

ab mohabbat kā na karnā kabhī da.avā dekho

sar kahīñ baal kahīñ haath kahīñ paañv kahīñ

un kā sonā bhī hai kis shaan kā sonā dekho

ab vo shoḳhī se ye kahte haiñ sitamgar haiñ jo ham

dil kisī aur se kuchh roz ko bahlā dekho

vā.izo muñh meñ tumhāre bhī bhar aa.e paanī

mai-e-rañgīñ kā jo sāġhar se chhalaknā dekho

baat kyā hai jo hue jaate ho tum yūñhī ḳhafā

mujh ko dekho na mire dil kā dhḌaknā dekho

jurm-e-nazzāra pe kaun itnī ḳhushāmad kartā

ab vo rūThe haiñ lo aur tamāshā dekho

mastī-e-husn se apnī bhī nahīñ tum ko ḳhabar

kyā suno arz mirī haal mirā kyā dekho

dosto tark-e-mohabbat kī nasīhat hai fuzūl

aur na maano to dil-e-zār ko samjhā dekho

havas-e-dīd miTī hai na miTegī 'hasrat'

dekhne ke liye chāho unheñ jitnā dekho

phir bhi hai tum ko masihai ka dawa dekho

mujh ko dekho mere marne ki tamanna dekho

hum na kahte the banawaT hai ye sara ghussa

hans ke lo phir wo unhon ne hamein dekha dekho

ghar se har-waqt nikal aate ho khole hue baal

sham dekho na meri jaan sawera dekho

mahfil-e-ghair mein be-parda tumhein dekh liya

ab kabhi hum se KHabar-dar na chhupna dekho

KHana-e-jaan mein numudar hai ek paikar-e-nur

hasrato aao ruKH-e-yar ka jalwa dekho

dil ko rangini-e-KHwahish ki KHata par aaKHir

milti hai us gul-e-rana se saza kya dekho

samne sab ke munasib nahin hum par ye itab

sar se Dhal jae na ghusse mein dupaTTa dekho

mar-miTe hum to kabhi yaad bhi tum ne na kiya

ab mohabbat ka na karna kabhi dawa dekho

sar kahin baal kahin hath kahin panw kahin

un ka sona bhi hai kis shan ka sona dekho

ab wo shoKHi se ye kahte hain sitamgar hain jo hum

dil kisi aur se kuchh roz ko bahla dekho

waizo munh mein tumhaare bhi bhar aae pani

mai-e-rangin ka jo saghar se chhalakna dekho

baat kya hai jo hue jate ho tum yunhi KHafa

mujh ko dekho na mere dil ka dhDakna dekho

jurm-e-nazzara pe kaun itni KHushamad karta

ab wo ruThe hain lo aur tamasha dekho

masti-e-husn se apni bhi nahin tum ko KHabar

kya suno arz meri haal mera kya dekho

dosto tark-e-mohabbat ki nasihat hai fuzul

aur na mano to dil-e-zar ko samjha dekho

hawas-e-did miTi hai na miTegi 'hasrat'

dekhne ke liye chaho unhen jitna dekho