phir koi mushkil jawan hone ko hai
phir koī mushkil javāñ hone ko hai
dostoñ kā imtihāñ hone ko hai
jhoñke dam sādhe khaḌe haiñ chār-sū
koī hañgāma yahāñ hone ko hai
bhiig jaane par bhī jo bujhtā na thā
aaj vo sho.ala dhuāñ hone ko hai
ye bahāreñ aur gul buuTe niDhāl
fasl-e-gul daur-e-ḳhizāñ hone ko hai
zindagī se kījiye ummīd kyā
zindagī ḳhud rā.egāñ hone ko hai
zabt kā had se guzarnā dekhiye
raaz āñkhoñ se bayāñ hone ko hai
manzil-e-maqsūd jab aa.ī nazar
rāhbar sañg-e-garāñ hone ko hai
phir koi mushkil jawan hone ko hai
doston ka imtihan hone ko hai
jhonke dam sadhe khaDe hain chaar-su
koi hangama yahan hone ko hai
bhig jaane par bhi jo bujhta na tha
aaj wo shoala dhuan hone ko hai
ye bahaaren aur gul buTe niDhaal
fasl-e-gul daur-e-KHizan hone ko hai
zindagi se kijiye ummid kya
zindagi KHud raegan hone ko hai
zabt ka had se guzarna dekhiye
raaz aankhon se bayan hone ko hai
manzil-e-maqsud jab aai nazar
rahbar sang-e-garan hone ko hai
Source:
Ehsas Dar Ehsas (Pg. 63)
- Author: Amar Singh Figar
-
- Edition: 2000
- Publisher: Modern Publishing House
- Year of Publication: 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
