phir lauT ke dharti pe bhi aane nahin deta
phir lauT ke dhartī pe bhī aane nahīñ detā
vo paañv ḳhalā meñ bhī jamāne nahīñ detā
manzūr nahīñ lamhoñ kī pahchān bhī us ko
aur naam daraḳhtoñ se miTāne nahīñ detā
ḳhush rahtā hai ujḌe hue logoñ se hamesha
basne nahīñ detā vo basāne nahīñ detā
maujoñ ke mujhe raaz bhī samjhātā nahīñ vo
sāhil pe safīna bhī lagāne nahīñ detā
de detā hai har baar vahī naav purānī
ḳhvāboñ ko samundar meñ bahāne nahīñ detā
ta.amīr na.ī chāhtā hai dekhnā har-sū
aur naqsh-e-kuhan koī miTāne nahīñ detā
masrūf burā vaqt mujhe rakhtā hai 'betāb'
yaad achchhe dinoñ kī kabhī aane nahīñ detā
phir lauT ke dharti pe bhi aane nahin deta
wo panw KHala mein bhi jamane nahin deta
manzur nahin lamhon ki pahchan bhi us ko
aur nam daraKHton se miTane nahin deta
KHush rahta hai ujDe hue logon se hamesha
basne nahin deta wo basane nahin deta
maujon ke mujhe raaz bhi samjhata nahin wo
sahil pe safina bhi lagane nahin deta
de deta hai har bar wahi naw purani
KHwabon ko samundar mein bahane nahin deta
tamir nai chahta hai dekhna har-su
aur naqsh-e-kuhan koi miTane nahin deta
masruf bura waqt mujhe rakhta hai 'betab'
yaad achchhe dinon ki kabhi aane nahin deta
Source:
Rooh-e-Ghazal,Pachas Sala Intekhab (Pg. 593)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
