phir main un manzilon ka talib hun phir main us rah se guzarta hun
phir main un manzilon ka talib hun phir main us rah se guzarta hun
Sandeep Koul Nadim
MORE BYSandeep Koul Nadim
phir maiñ un manziloñ kā tālib huuñ phir maiñ us raah se guzartā huuñ
ab maiñ tujh ko sadā.eñ kyā dūñgā ab maiñ ḳhud ko talāsh kartā huuñ
har sadā sun ke dil dhaḌaktā hai mujh ko ḳhāmoshiyoñ se dahshat hai
kyā karūñ sāmnā jahān kā ab jab maiñ parchhā.iyoñ se Dartā huuñ
merī hastī ajiib hai yā-rab ab mujhe ḳhud pe iḳhtiyār nahīñ
ālam-e-be-ḳhudī meñ jiitā huuñ maiñ ġham-e-āshiqī meñ martā huuñ
ab ke din kuchh siyāh lagtā hai ab ke taare bujhe bujhe se haiñ
zaḳhm khā kar maiñ muskurātā huuñ jab sukūñ pā.ūñ aah bhartā huuñ
phir main un manzilon ka talib hun phir main us rah se guzarta hun
ab main tujh ko sadaen kya dunga ab main KHud ko talash karta hun
har sada sun ke dil dhaDakta hai mujh ko KHamoshiyon se dahshat hai
kya karun samna jahan ka ab jab main parchhaiyon se Darta hun
meri hasti ajib hai ya-rab ab mujhe KHud pe iKHtiyar nahin
aalam-e-be-KHudi mein jita hun main gham-e-ashiqi mein marta hun
ab ke din kuchh siyah lagta hai ab ke tare bujhe bujhe se hain
zaKHm kha kar main muskuraata hun jab sukun paun aah bharta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
