phir mizaj us rind ka kyunkar mile

Aasi Ghazipuri

phir mizaj us rind ka kyunkar mile

Aasi Ghazipuri

MORE BYAasi Ghazipuri

    phir mizāj us rind kyūñkar mile

    jis ko us ke haath se sāġhar mile

    ye bhī milnā hai ki bād-az-sad-talāsh

    hadd-e-vahm-o-fahm se bāhar mile

    kuchh na pūchho kaisī nafrat ham se hai

    ham haiñ jab tak vo hameñ kyūñkar mile

    merī āñkheñ aur us ḳhāk-e-pā

    tere kūche agar rahbar mile

    vasl hai sar-josh-e-sahbā-e-fanā

    phir agar koī mile kyūñkar mile

    milne ke pahle fanā honā zarūr

    phir fanā jo ho gayā kyūñkar mile

    'āsī'-e-giryāñ milā mahbūb se

    gul se shabnam jis tarah ro kar mile

    phir mizaj us rind ka kyunkar mile

    jis ko us ke hath se saghar mile

    ye bhi milna hai ki baad-az-sad-talash

    hadd-e-wahm-o-fahm se bahar mile

    kuchh na puchho kaisi nafrat hum se hai

    hum hain jab tak wo hamein kyunkar mile

    meri aankhen aur us ki KHak-e-pa

    tere kuche ka agar rahbar mile

    wasl hai sar-josh-e-sahba-e-fana

    phir agar koi mile kyunkar mile

    milne ke pahle fana hona zarur

    phir fana jo ho gaya kyunkar mile

    'asi'-e-giryan mila mahbub se

    gul se shabnam jis tarah ro kar mile

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY