phir se hum paD gae mohabbat mein

phir se ham paḌ ga.e mohabbat meñ

tujh ko ronā nahīñ thā qismat meñ

vo jo sanjīdgī se kahnā thā

vo to ham kah chuke sharārat meñ

hosh meñ kab hamāre bas ke the

kaam nimTā liye jo vahshat meñ

ik purānī namāz yaad aa.ī

aur ḳhalal paḌ gayā 'ibādat meñ

roz mere liye qayāmat thī

roz Taltī huī qayāmat meñ

bas vahī māñgne nahīñ aate

jin kā hissa hai merī daulat meñ

yaad rakhnā gunāhgār ho tum

muskurānā nahīñ 'adālat meñ

āḳhirī jaam ne bigāḌī baat

bas nahīñ kah sake muravvat meñ

muskurā kar vidā' kartā huuñ

ye bhī ab aa gayā hai 'ādat meñ

phir se hum paD gae mohabbat mein

tujh ko rona nahin tha qismat mein

wo jo sanjidgi se kahna tha

wo to hum kah chuke shararat mein

hosh mein kab hamare bas ke the

kaam nimTa liye jo wahshat mein

ek purani namaz yaad aai

aur KHalal paD gaya 'ibaadat mein

roz mere liye qayamat thi

roz Talti hui qayamat mein

bas wahi mangne nahin aate

jin ka hissa hai meri daulat mein

yaad rakhna gunahgar ho tum

muskurana nahin 'adalat mein

aaKHiri jam ne bigaDi baat

bas nahin kah sake murawwat mein

muskura kar wida' karta hun

ye bhi ab aa gaya hai 'adat mein