phir se ek bar use KHud pe sitam Dhane dun

phir se ik baar use ḳhud pe sitam Dhāne duuñ

ya.anī vo lauT ke aa.e to use aane duuñ

niiñd ke zaḳhm ke baare meñ na sochūñ itnā

aañkh agar ḳhvāb se ghabrā.e to ghabrāne duuñ

pyaas itnī bhī nahīñ hai ki maiñ rokūñ tujh ko

dil bharā bhī nahīñ itnā ki tujhe jaane duuñ

ek bas ishq ke badle meñ diyā hijr us ne

itnī sī baat pe kyā ḳhaak use ta.ane duuñ

tere māthe kī lakīroñ ko miTā duuñ yaksar

lā jabīñ paas tire rañj ko maiñ shāne duuñ

log ye chāhte haiñ baat na mānūñ dil kī

ruuh khā.egī badan aur badan khāne duuñ

terī vahshat ke ta.iiñ aañkh munāsib hai mirī

aa tujhe ek nahīñ balki do vīrāne duuñ

phir se ek bar use KHud pe sitam Dhane dun

yani wo lauT ke aae to use aane dun

nind ke zaKHm ke bare mein na sochun itna

aankh agar KHwab se ghabrae to ghabrane dun

pyas itni bhi nahin hai ki main rokun tujh ko

dil bhara bhi nahin itna ki tujhe jaane dun

ek bas ishq ke badle mein diya hijr us ne

itni si baat pe kya KHak use tane dun

tere mathe ki lakiron ko miTa dun yaksar

la jabin pas tere ranj ko main shane dun

log ye chahte hain baat na manun dil ki

ruh khaegi badan aur badan khane dun

teri wahshat ke tain aankh munasib hai meri

aa tujhe ek nahin balki do virane dun