phir surKH phul shahr ke peDon mein aa gae

Saleem Betab

phir surKH phul shahr ke peDon mein aa gae

Saleem Betab

MORE BYSaleem Betab

    phir surḳh phuul shahr ke peḌoñ meñ aa ga.e

    rūhoñ meñ jitne zaḳhm the chehroñ meñ aa ga.e

    har ik darīcha phuul se chehroñ se bhar gayā

    ab to chaman bhī shahr galiyoñ meñ aa ga.e

    dil meñ tire ḳhulūs ke dariyā the gar ravāñ

    sho.ale kahāñ se phir tirī āñkhoñ meñ aa ga.e

    ab dekhiyegā kis tarah uḌtī haiñ kirchiyāñ

    patthar se log ā.ina-ḳhānoñ meñ aa ga.e

    ham sāya-dār peḌ ke nīche haiñ zaḳhm zaḳhm

    patthar kahāñ se reshmī pattoñ meñ aa ga.e

    bas itne jarī the harīfān-e-āftāb

    chamkī zarā dhuup to kamroñ meñ aa ga.e

    'betāb' ab to lauT ke jaanā muhāl hai

    ham gahre pāniyoñ ke jazīroñ meñ aa ga.e

    phir surKH phul shahr ke peDon mein aa gae

    ruhon mein jitne zaKHm the chehron mein aa gae

    har ek daricha phul se chehron se bhar gaya

    ab to chaman bhi shahr ki galiyon mein aa gae

    dil mein tere KHulus ke dariya the gar rawan

    shoale kahan se phir teri aankhon mein aa gae

    ab dekhiyega kis tarah uDti hain kirchiyan

    patthar se log aaina-KHanon mein aa gae

    hum saya-dar peD ke niche hain zaKHm zaKHm

    patthar kahan se reshmi patton mein aa gae

    bas itne hi jari the harifan-e-aftab

    chamki zara si dhup to kamron mein aa gae

    'betab' ab to lauT ke jaana muhaal hai

    hum gahre paniyon ke jaziron mein aa gae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY