phir uThi chashm-e-fusun-saz KHuda KHair kare

phir uThī chashm-e-fusūñ-sāz ḳhudā ḳhair kare

dil hai phir ġharq-e-mai-e-nāz ḳhudā ḳhair kare

barq chamkī hai ba-sad-nāz ḳhudā ḳhair kare

phir nasheman kā hai āġhāz ḳhudā ḳhair kare

dil ke bas meñ thā chhupāyā bahut us ne lekin

dast-e-mizhgāñ meñ hai ab raaz ḳhudā ḳhair kare

koī aatā hai pas-e-qāfila-e-fasl-e-bahār

phir hai zanjīr kī āvāz ḳhudā ḳhair kare

barq kī zad meñ gulistāñ to nahīñ hai lekin

gul se hai aag kī parvāz ḳhudā ḳhair kare

dil kī dhaḌkan the jo kal aaj vahī dīvāne

ho ga.e duur kī āvāz ḳhudā ḳhair kare

jānte haiñ ki badaltī nahīñ taqdīr 'nasīb'

vaqt aur mahram-e-ham-rāz ḳhudā ḳhair kare

phir uThi chashm-e-fusun-saz KHuda KHair kare

dil hai phir gharq-e-mai-e-naz KHuda KHair kare

barq chamki hai ba-sad-naz KHuda KHair kare

phir nasheman ka hai aaghaz KHuda KHair kare

dil ke bas mein tha chhupaya bahut us ne lekin

dast-e-mizhgan mein hai ab raaz KHuda KHair kare

koi aata hai pas-e-qafila-e-fasl-e-bahaar

phir hai zanjir ki aawaz KHuda KHair kare

barq ki zad mein gulistan to nahin hai lekin

gul se hai aag ki parwaz KHuda KHair kare

dil ki dhaDkan the jo kal aaj wahi diwane

ho gae dur ki aawaz KHuda KHair kare

jaante hain ki badalti nahin taqdir 'nasib'

waqt aur mahram-e-ham-raaz KHuda KHair kare