phir wahi hum hain KHayal-e-ruKH-e-zeba hai wahi

Ghulam Bhik Nairang

phir wahi hum hain KHayal-e-ruKH-e-zeba hai wahi

Ghulam Bhik Nairang

MORE BYGhulam Bhik Nairang

    phir vahī ham haiñ ḳhayāl-e-ruḳh-e-zebā hai vahī

    sar-e-shorīda vahī ishq saudā hai vahī

    dāna-o-dām sambhālā mire sayyād ne phir

    apnī gardan hai vahī ishq phandā hai vahī

    phir lagī rahne tasavvur meñ vo mizhgān-e-darāz

    rag-e-jāñ meñ ḳhalish-e-ḳhār-e-tamannā hai vahī

    phir lagā rahne vahī silsila-e-nāz-o-niyāz

    jalva-e-husn vahī zauq-e-tamāshā hai vahī

    phir huā ham ko dil-o-dīñ bachānā mushkil

    nigah-e-nāz phir ham se taqāzā hai vahī

    naaz ne phir kiyā āġhāz vo andāz-e-niyāz

    husn-e-jāñ-soz ko phir soz da.avā hai vahī

    mahv-e-dīd-e-chaman-e-shauq hai phir dīda-e-shauq

    gul-e-shādāb vahī bulbul-e-shaidā hai vahī

    phir chamak uTThī vo kajlā.ī huī chiñgārī

    raḳht-e-hastī hai vahī ishq sho.ala hai vahī

    aarzū uThī phir pyaar jo us but ne kiyā

    phir lab-e-yār meñ ejāz-e-masīhā hai vahī

    pās-e-nāmūs ne phir ruḳhsat-e-raftan chāhī

    shohrat-e-husn vahī ulfat-e-rusvā hai vahī

    phir huī lailā-o-majnūñ hikāyat taaza

    un aalam vahī 'nairañg' naqsha hai vahī

    phir wahi hum hain KHayal-e-ruKH-e-zeba hai wahi

    sar-e-shorida wahi ishq ka sauda hai wahi

    dana-o-dam sambhaala mere sayyaad ne phir

    apni gardan hai wahi ishq ka phanda hai wahi

    phir lagi rahne tasawwur mein wo mizhgan-e-daraaz

    rag-e-jaan mein KHalish-e-KHar-e-tamanna hai wahi

    phir laga rahne wahi silsila-e-naz-o-niyaz

    jalwa-e-husn wahi zauq-e-tamasha hai wahi

    phir hua hum ko dil-o-din ka bachana mushkil

    nigah-e-naz ka phir hum se taqaza hai wahi

    naz ne phir kiya aaghaz wo andaz-e-niyaz

    husn-e-jaan-soz ko phir soz ka dawa hai wahi

    mahw-e-did-e-chaman-e-shauq hai phir dida-e-shauq

    gul-e-shadab wahi bulbul-e-shaida hai wahi

    phir chamak uTThi wo kajlai hui chingari

    raKHt-e-hasti hai wahi ishq ka shoala hai wahi

    aarzu ji uThi phir pyar jo us but ne kiya

    phir lab-e-yar mein ejaz-e-masiha hai wahi

    pas-e-namus ne phir ruKHsat-e-raftan chahi

    shohrat-e-husn wahi ulfat-e-ruswa hai wahi

    phir hui laila-o-majnun ki hikayat taza

    un ka aalam wahi 'nairang' ka naqsha hai wahi

    Source :
    • Book : Jadeed Shora-e-Urdu (Pg. 387)
    • Author : Dr. Abdul Wahid
    • Publication : Feroz sons Printers Publishers and Stationers
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY