phire hain dhun mein teri hum idhar udhar tanha
phire haiñ dhun meñ tirī ham idhar udhar tanhā
tujhe talāsh kiyā hai nagar nagar tanhā
hamāre saath sabhī haiñ magar koī bhī nahīñ
ham anjuman meñ haiñ baiThe hue magar tanhā
gavāh haiñ rah-e-shauq-o-talab ke sannāTe
kiyā hai ham ne ye sabr-āzmā safar tanhā
chale ga.e haiñ na-jāne kahāñ sharīk-e-safar
mujhe hayāt kī rāhoñ meñ chhoḌ kar tanhā
bahut dinoñ se nahīñ tū rafīq-e-dīda-o-dil
bahut dinoñ se akelā hai dil, nazar tanhā
bhulāne vaale kabhī tū ne ye bhī sochā hai
tire baġhair hai kab se tirā 'zafar' tanhā
phire hain dhun mein teri hum idhar udhar tanha
tujhe talash kiya hai nagar nagar tanha
hamare sath sabhi hain magar koi bhi nahin
hum anjuman mein hain baiThe hue magar tanha
gawah hain rah-e-shauq-o-talab ke sannaTe
kiya hai hum ne ye sabr-azma safar tanha
chale gae hain na-jaane kahan sharik-e-safar
mujhe hayat ki rahon mein chhoD kar tanha
bahut dinon se nahin tu rafiq-e-dida-o-dil
bahut dinon se akela hai dil, nazar tanha
bhulane wale kabhi tu ne ye bhi socha hai
tere baghair hai kab se tera 'zafar' tanha
Source:
Pakistani Adab (Pg. 590)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
