aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

phire rah se wo yahan aate aate

Dagh Dehlvi

phire rah se wo yahan aate aate

Dagh Dehlvi

MORE BYDagh Dehlvi

    phire raah se vo yahāñ aate aate

    ajal mar rahī kahāñ aate aate

    na jaanā ki duniyā se jaatā hai koī

    bahut der mehrbāñ aate aate

    sunā hai ki aatā hai sar nāma-bar

    kahāñ rah gayā armuġhāñ aate aate

    yaqīñ hai ki ho jaa.e āḳhir ko sachchī

    mire muñh meñ terī zabāñ aate aate

    sunāne ke qābil jo thī baat un ko

    vahī rah ga.ī darmiyāñ aate aate

    mujhe yaad karne se ye mudda.ā thā

    nikal jaa.e dam hichkiyāñ aate aate

    abhī sin kyā hai jo bebākiyāñ hoñ

    unheñ ā.eñgī shoḳhiyāñ aate aate

    kalejā mire muñh ko aa.egā ik din

    yūñhī lab par āh-o-fuġhāñ aate aate

    chale aate haiñ dil meñ armān lākhoñ

    makāñ bhar gayā mehmāñ aate aate

    natīja na niklā thake sab payāmī

    vahāñ jaate jaate yahāñ aate aate

    tumhārā mushtāq-e-dīdār hogā

    gayā jaan se ik javāñ aate aate

    tirī aañkh phirte kaisā phirā hai

    mirī raah par āsmāñ aate aate

    paḌā hai baḌā pech phir dil-lagī meñ

    tabī.at rukī hai jahāñ aate aate

    mire āshiyāñ ke to the chaar tinke

    chaman uḌ gayā āñdhiyāñ aate aate

    kisī ne kuchh un ko ubhārā to hotā

    na aate na aate yahāñ aate aate

    qayāmat bhī aatī thī hamrāh us ke

    magar rah ga.ī ham-ināñ aate aate

    banā hai hamesha ye dil baaġh o sahrā

    bahār aate aate ḳhizāñ aate aate

    nahīñ khel ai 'dāġh' yāroñ se kah do

    ki aatī hai urdu zabāñ aate aate

    phire rah se wo yahan aate aate

    ajal mar rahi tu kahan aate aate

    na jaana ki duniya se jata hai koi

    bahut der ki mehrban aate aate

    suna hai ki aata hai sar nama-bar ka

    kahan rah gaya armughan aate aate

    yaqin hai ki ho jae aaKHir ko sachchi

    mere munh mein teri zaban aate aate

    sunane ke qabil jo thi baat un ko

    wahi rah gai darmiyan aate aate

    mujhe yaad karne se ye muddaa tha

    nikal jae dam hichkiyan aate aate

    abhi sin hi kya hai jo bebakiyan hon

    unhen aaengi shoKHiyan aate aate

    kaleja mere munh ko aaega ek din

    yunhi lab par aah-o-fughan aate aate

    chale aate hain dil mein arman lakhon

    makan bhar gaya mehman aate aate

    natija na nikla thake sab payami

    wahan jate jate yahan aate aate

    tumhaara hi mushtaq-e-didar hoga

    gaya jaan se ek jawan aate aate

    teri aankh phirte hi kaisa phira hai

    meri rah par aasman aate aate

    paDa hai baDa pech phir dil-lagi mein

    tabiat ruki hai jahan aate aate

    mere aashiyan ke to the chaar tinke

    chaman uD gaya aandhiyan aate aate

    kisi ne kuchh un ko ubhaara to hota

    na aate na aate yahan aate aate

    qayamat bhi aati thi hamrah us ke

    magar rah gai ham-inan aate aate

    bana hai hamesha ye dil bagh o sahra

    bahaar aate aate KHizan aate aate

    nahin khel ai 'dagh' yaron se kah do

    ki aati hai urdu zaban aate aate

    Videos
    This video is playing from YouTube

    Videos
    This video is playing from YouTube

    Taj Multani

    Taj Multani

    RECITATIONS

    Javed Naseem

    Javed Naseem,

    Nomaan Shauque

    Nomaan Shauque,

    Javed Naseem

    PHIRE RAAH SE WOH Javed Naseem

    Nomaan Shauque

    phire rah se wo yahan aate aate Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now