phul ka shaKH pe aana bhi bura lagta hai
phuul kā shāḳh pe aanā bhī burā lagtā hai
tū nahīñ hai to zamāna bhī burā lagtā hai
uub jaatā huuñ ḳhamoshī se bhī kuchh der ke baad
der tak shor machānā bhī burā lagtā hai
itnā khoyā huā rahtā huuñ ḳhayāloñ meñ tire
paas mere tirā aanā bhī burā lagtā hai
zā.iqa jism kā āñkhoñ meñ simaT aayā hai
ab tujhe haath lagānā bhī burā lagtā hai
maiñ ne rote hue dekhā hai alī baabā ko
baaz auqāt ḳhazāna bhī burā lagtā hai
ab bichhaḌ jā ki bahut der se ham saath meñ haiñ
peT bhar jaa.e to khānā bhī burā lagtā hai
phul ka shaKH pe aana bhi bura lagta hai
tu nahin hai to zamana bhi bura lagta hai
ub jata hun KHamoshi se bhi kuchh der ke baad
der tak shor machana bhi bura lagta hai
itna khoya hua rahta hun KHayalon mein tere
pas mere tera aana bhi bura lagta hai
zaiqa jism ka aankhon mein simaT aaya hai
ab tujhe hath lagana bhi bura lagta hai
main ne rote hue dekha hai ali baba ko
baz auqat KHazana bhi bura lagta hai
ab bichhaD ja ki bahut der se hum sath mein hain
peT bhar jae to khana bhi bura lagta hai
Source:
Dil Parinda Hai (Pg. 28)
- Author: Shakeel Azmi
-
- Edition: First
- Publisher: Rekhta Publications
- Year of Publication: 2023
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
