phul KHushbu se juda hai ab ke
phuul ḳhushbū se judā hai ab ke
yaaro ye kaisī havā hai ab ke
dost bichhḌe haiñ ka.ī baar magar
ye nayā daaġh khulā hai ab ke
pattiyāñ rotī haiñ sar pīTtī haiñ
qatl-e-gul aam huā hai ab ke
shafaqī ho ga.ī dīvār-e-ḳhayāl
kis qadar ḳhuun bahā hai ab ke
manzar-e-zaḳhm-e-vafā kis ko dikhā.eñ
shahr meñ qaht-e-vafā hai ab ke
vo to phir ġhair the lekin yaaro
kaam apnoñ se paḌā hai ab ke
kyā suneñ shor-e-bahārāñ 'nāsir'
ham ne kuchh aur sunā hai ab ke
phul KHushbu se juda hai ab ke
yaro ye kaisi hawa hai ab ke
dost bichhDe hain kai bar magar
ye naya dagh khula hai ab ke
pattiyan roti hain sar piTti hain
qatl-e-gul aam hua hai ab ke
shafaqi ho gai diwar-e-KHayal
kis qadar KHun baha hai ab ke
manzar-e-zaKHm-e-wafa kis ko dikhaen
shahr mein qaht-e-wafa hai ab ke
wo to phir ghair the lekin yaro
kaam apnon se paDa hai ab ke
kya sunen shor-e-bahaaran 'nasir'
hum ne kuchh aur suna hai ab ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
