phul ki baaten karo ya Khaar ki baaten karo

phuul kī bāteñ karo yā ḳhaar kī bāteñ karo

gulsitāñ vaalo magar me'yār kī bāteñ karo

ahl-e-‘ālam ġhuncha-o-gul ke fasāne chhoḌ do

hai agar himmat to baḌh kar daar kī bāteñ karo

nāseho zikr-e-rah-e-dair-o-haram be-faiz hai

merā dil kahtā hai kū-e-yār kī bāteñ karo

āshiyāñ kā sehn-e-gulshan kā ravish kā zikr kyā

aaj to sayyād kī raftār kī bāteñ karo

ahl-e-sāhil zikr-e-sāhil se to jī uktā gayā

sharh tūfāñ kī karo mañjdhār kī bāteñ karo

sun rahā huuñ der se mashq-e-jafā kī dāstāñ

kaash yūñhī tum mire īsār kī bāteñ karo

dil dhaḌak uThtā hai ho jaatā hai barham nazm-e-hosh

jab kabhī un ke lab-o-ruḳhsār kī bāteñ karo

kis ne 'ishrat' kah diyā ye shā'irī āsān hai

pahle sīkho nasr phir ash'ār kī bāteñ karo

phul ki baaten karo ya KHar ki baaten karo

gulsitan walo magar me'yar ki baaten karo

ahl-e-‘alam ghuncha-o-gul ke fasane chhoD do

hai agar himmat to baDh kar dar ki baaten karo

naseho zikr-e-rah-e-dair-o-haram be-faiz hai

mera dil kahta hai ku-e-yar ki baaten karo

aashiyan ka sehn-e-gulshan ka rawish ka zikr kya

aaj to sayyaad ki raftar ki baaten karo

ahl-e-sahil zikr-e-sahil se to ji ukta gaya

sharh tufan ki karo manjdhaar ki baaten karo

sun raha hun der se mashq-e-jafa ki dastan

kash yunhi tum mere isar ki baaten karo

dil dhaDak uThta hai ho jata hai barham nazm-e-hosh

jab kabhi un ke lab-o-ruKHsar ki baaten karo

kis ne 'ishrat' kah diya ye sha'iri aasan hai

pahle sikho nasr phir ash'ar ki baaten karo