phul par os hai aariz pe nami ho jaise
phuul par os hai aariz pe namī ho jaise
us ke chehre pe mirī aañkh dharī ho jaise
us kī palkoñ pe rakhūñ hoñT to yuuñ jalte haiñ
us ke siine meñ kahīñ aag lagī ho jaise
jhiil ke hoñT pe sūraj kī kiran lahrā.ī
mere mahbūb ke hoñToñ pe hañsī ho jaise
ab bhī rah rah ke mire dil meñ sisaktā hai koī
us meñ mūrat koī bachpan kī chhupī ho jaise
ḳhat meñ is tarah vo tādīb mujhe kartī hai
umr meñ mujh se ka.ī saal baḌī ho jaise
mere bachpan kī pujāran ne mujhe yuuñ dekhā
apne bhagvān ke charnoñ meñ dukhī ho jaise
tujh se mil kar bhī udāsī nahīñ jaatī dil kī
tū nahīñ aur koī merī kamī ho jaise
phul par os hai aariz pe nami ho jaise
us ke chehre pe meri aankh dhari ho jaise
us ki palkon pe rakhun honT to yun jalte hain
us ke sine mein kahin aag lagi ho jaise
jhil ke honT pe suraj ki kiran lahrai
mere mahbub ke honTon pe hansi ho jaise
ab bhi rah rah ke mere dil mein sisakta hai koi
us mein murat koi bachpan ki chhupi ho jaise
KHat mein is tarah wo tadib mujhe karti hai
umr mein mujh se kai sal baDi ho jaise
mere bachpan ki pujaran ne mujhe yun dekha
apne bhagwan ke charnon mein dukhi ho jaise
tujh se mil kar bhi udasi nahin jati dil ki
tu nahin aur koi meri kami ho jaise
Source:
Pehchan (Pg. 103)
- Author: Ateeq Anzar
-
- Edition: 1994
- Publisher: Nai Awaz Jamia Nagar New Delhi
- Year of Publication: 1994
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
