aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

phula-phala shajar to samar par bhi aaega

Zafar Kaleem

phula-phala shajar to samar par bhi aaega

Zafar Kaleem

MORE BYZafar Kaleem

    phūlā-phalā shajar to samar par bhī aa.egā

    lekin isī lihāz se patthar bhī aa.egā

    hālāt jab bhī shahr ke filmā.e jā.eñge

    parde pe mere qatl manzar bhī aa.egā

    be-chehra phir rahā huuñ magar is yaqīñ ke saath

    ā.īna mere qad ke barābar bhī aa.egā

    kab tak koī chhupegā adāvat ke ġhaar meñ

    dushman kabhī to sāmne khul kar bhī aa.egā

    be-vaj.h ranjishoñ se diloñ ko bachā.iye

    zehnoñ bhed-bhāv laboñ par bhī aa.egā

    behtar hai dosto ki yahīñ Daal do paḌāv

    aage baḌhe to shahr-e-sitamgar bhī aa.egā

    ubhreñge pastiyoñ se bhī ik roz ham 'zafar'

    ūñchā.iyoñ pe apnā muqaddar bhī aa.egā

    phula-phala shajar to samar par bhi aaega

    lekin isi lihaz se patthar bhi aaega

    haalat jab bhi shahr ke filmae jaenge

    parde pe mere qatl ka manzar bhi aaega

    be-chehra phir raha hun magar is yaqin ke sath

    aaina mere qad ke barabar bhi aaega

    kab tak koi chhupega adawat ke ghaar mein

    dushman kabhi to samne khul kar bhi aaega

    be-wajh ranjishon se dilon ko bachaiye

    zehnon ka bhed-bhaw labon par bhi aaega

    behtar hai dosto ki yahin Dal do paDaw

    aage baDhe to shahr-e-sitamgar bhi aaega

    ubhrenge pastiyon se bhi ek roz hum 'zafar'

    unchaiyon pe apna muqaddar bhi aaega

    Source:

    Nawa-e-harf-e-khamoosh (Pg. 111)

    • Author: Zafar Kaleem
      • Edition: 2007
      • Publisher: Zafar Kaleem
      • Year of Publication: 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now