phunk do mere aashiyane ko

phūñk do mere āshiyāne ko

raushnī to mile zamāne ko

ham to bhaTke qadam qadam lekin

rāsta de diyā zamāne ko

log kyuuñ ek dūsre se mileñ

sun rahe haiñ mire fasāne ko

itne Thahrāv se na dekh mujhe

ruḳh badalnā paḌe zamāne ko

maslahat-sāz ro bhī lete haiñ

vaqt ke saath muskurāne ko

apnī tasvīr sāmne rakh kar

dekhtā huuñ tire zamāne ko

log sab kī ḳhushī samajhte haiñ

chand kaliyoñ ke muskurāne ko

har taraf hai ab ek sannāTā

aur āvāz do zamāne ko

ḳhud na tārīḳh-e-vaqt ban 'anjum'

apnī tārīḳh de zamāne ko

phunk do mere aashiyane ko

raushni to mile zamane ko

hum to bhaTke qadam qadam lekin

rasta de diya zamane ko

log kyun ek dusre se milen

sun rahe hain mere fasane ko

itne Thahraw se na dekh mujhe

ruKH badalna paDe zamane ko

maslahat-saz ro bhi lete hain

waqt ke sath muskurane ko

apni taswir samne rakh kar

dekhta hun tere zamane ko

log sab ki KHushi samajhte hain

chand kaliyon ke muskurane ko

har taraf hai ab ek sannaTa

aur aawaz do zamane ko

KHud na tariKH-e-waqt ban 'anjum'

apni tariKH de zamane ko