pi bhi ai maya-e-ashabab sharab

pī bhī ai māya-e-ashabāb sharāb

garm-joshī se hai kabāb sharāb

maryamī uḌ ga.ī masīhā kī

lab-e-nāzuk pe hai sharāb sharāb

us se ham jā bhiḌe adū ke ghar

hai paḌī ḳhānumāñ-ḳharāb sharāb

kyuuñ ki mutlaq harām hī kahiye

pīji.egā milā ke aab sharāb

bahr-e-har-zarf-e-imtihāñ sāġhar

har tamannā kā intiḳhāb sharāb

ba.ad-azīñ mohtasib qasam le le

tauba kartā huuñ lā shitāb sharāb

zaa.e.a auqāt ko nahīñ karte

piite haiñ vaqt-e-māhtāb sharāb

saḳht mātam hai ai shabāb tirā

ki rulātī hai ḳhūn-e-nāb sharāb

mohtasib us kā ḳhuun hai kis par

jo hai piitā bajā.e aab sharāb

mus.haf-o-ḳhirqa bechte haiñ ham

ho ga.ī jaan ko azaab sharāb

us kī baḳhshish hai be-hisāb agar

ham bhī piite haiñ be-hisāb sharāb

har ghaḌī zikr-e-mai hai ai vaa.iz

ho ga.ī terī to kitāb sharāb

ai 'qalaq' mai-kade meñ sajde kyuuñ

kaun degā pa-e-savāb sharāb

pi bhi ai maya-e-ashabab sharab

garm-joshi se hai kabab sharab

maryami uD gai masiha ki

lab-e-nazuk pe hai sharab sharab

us se hum ja bhiDe adu ke ghar

hai paDi KHanuman-KHarab sharab

kyun ki mutlaq haram hi kahiye

pijiega mila ke aab sharab

bahr-e-har-zarf-e-imtihan saghar

har tamanna ka intiKHab sharab

baad-azin mohtasib qasam le le

tauba karta hun la shitab sharab

zaea auqat ko nahin karte

pite hain waqt-e-mahtab sharab

saKHt matam hai ai shabab tera

ki rulati hai KHun-e-nab sharab

mohtasib us ka KHun hai kis par

jo hai pita bajae aab sharab

mushaf-o-KHirqa bechte hain hum

ho gai jaan ko azab sharab

us ki baKHshish hai be-hisab agar

hum bhi pite hain be-hisab sharab

har ghaDi zikr-e-mai hai ai waiz

ho gai teri to kitab sharab

ai 'qalaq' mai-kade mein sajde kyun

kaun dega pa-e-sawab sharab