pi kar bhi tabiat mein talKHi hai girani hai
pī kar bhī tabī.at meñ talḳhī hai girānī hai
is daur ke shīshoñ meñ sahbā hai ki paanī hai
ai husn tujhe itnā kyuuñ nāz-e-javānī hai
ye gul-badanī terī ik raat kī raanī hai
is shahr ke qātil ko dekhā to nahīñ lekin
maqtal se jhalaktā hai qātil kī javānī hai
jaltā thā jo ghar merā kuchh log ye kahte the
kyā aag sunahrī hai kyā aañch suhānī hai
is fan kī latāfat ko le jā.ūñ kahāñ āḳhir
patthar kā zamāna hai shīshe kī javānī hai
kyā tum se kaheñ kyā hai āhañg 'shamīm' apnā
sholoñ kī kahānī hai shabnam kī zabānī hai
pi kar bhi tabiat mein talKHi hai girani hai
is daur ke shishon mein sahba hai ki pani hai
ai husn tujhe itna kyun naz-e-jawani hai
ye gul-badani teri ek raat ki rani hai
is shahr ke qatil ko dekha to nahin lekin
maqtal se jhalakta hai qatil ki jawani hai
jalta tha jo ghar mera kuchh log ye kahte the
kya aag sunahri hai kya aanch suhani hai
is fan ki latafat ko le jaun kahan aaKHir
patthar ka zamana hai shishe ki jawani hai
kya tum se kahen kya hai aahang 'shamim' apna
sholon ki kahani hai shabnam ki zabani hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
