pi kar chain agar aaya bhi kitni der ko aaega
pī kar chain agar aayā bhī kitnī der ko aa.egā
nashsha ik āvāra panchhī chahkegā uḌ jā.egā
manzar kī takmīl na hogī tanhā mujh se fankāro
dukh ke giit to maiñ gā dūñgā aañsū kaun bahā.egā
ek saḳhī ko apnā samajh kar arz-e-hāl kī Thānī hai
bairī dil kahtā hai pagle kaasa bhī chhin jā.egā
merā samundar-pār safar par jaanā ek qayāmat hai
jaise har chehre pe likhā ho mere liye kyā lā.egā
jaate jaate pūchh rahā hai amn ke rakhvāloñ se 'hafīz'
kyuuñ jī kyā ham logoñ se meraTh ḳhālī ho jā.egā
pi kar chain agar aaya bhi kitni der ko aaega
nashsha ek aawara panchhi chahkega uD jaega
manzar ki takmil na hogi tanha mujh se fankaro
dukh ke git to main ga dunga aansu kaun bahaega
ek saKHi ko apna samajh kar arz-e-haal ki Thani hai
bairi dil kahta hai pagle kasa bhi chhin jaega
mera samundar-par safar par jaana ek qayamat hai
jaise har chehre pe likha ho mere liye kya laega
jate jate puchh raha hai amn ke rakhwalon se 'hafiz'
kyun ji kya hum logon se meraTh KHali ho jaega
Source:
Rooh-e-Ghazal,Pachas Sala Intekhab (Pg. 201)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
