pi kar sharab bazm mein phir aaiye zara

pī kar sharāb bazm meñ phir aa.iye zarā

hai mai-kashī meñ hosh bhī batlā.īye zarā

yuuñ paḌh rakhe haiñ ham ne to kitne hī faisle

dil kī ibāratoñ ko bhī paḌhvā.īye zarā

mujh sā nahīñ milegā tumheñ yaar phir kahīñ

chāheñ to ghuum kar ye jahāñ aa.iye zarā

achchhī nahīñ hai be-ruḳhī mujh se yuuñ aap kī

aa kar qarīb se hī guzar jā.iye zarā

hotā kabhī habīb jo bantā raqīb hai

qismat ke rañg dekhte rah jā.iye zarā

bāhar bahut hī gard hai dhoke fareb kī

yuuñ pairahan badal ke hī ghar aa.iye zarā

beḌī bane haiñ kuchh to yahāñ rasm aur rivāj

yuuñ 'gīt' ko qafas se nikalvā.iye zarā

pi kar sharab bazm mein phir aaiye zara

hai mai-kashi mein hosh bhi batlaiye zara

yun paDh rakhe hain hum ne to kitne hi faisle

dil ki ibaraton ko bhi paDhwaiye zara

mujh sa nahin milega tumhein yar phir kahin

chahen to ghum kar ye jahan aaiye zara

achchhi nahin hai be-ruKHi mujh se yun aap ki

aa kar qarib se hi guzar jaiye zara

hota kabhi habib jo banta raqib hai

qismat ke rang dekhte rah jaiye zara

bahar bahut hi gard hai dhoke fareb ki

yun pairahan badal ke hi ghar aaiye zara

beDi bane hain kuchh to yahan rasm aur riwaj

yun 'git' ko qafas se nikalwaiye zara