piri mein shauq hausla-farsa nahin raha

piirī meñ shauq hausla-farsā nahīñ rahā

vo dil nahīñ rahā vo zamāna nahīñ rahā

kyā zikr-e-mehr us kī nazar meñ hai dil vo ḳhvār

shāyān-e-jaur-o-zulm dil-ārā nahīñ rahā

jhagḌā miTā diyā but-e-kāfir ne diin kā

ab kuchh ḳhilāf-e-momin-o-tarsā nahīñ rahā

ushshāq-o-bul-havas meñ nahīñ karte vo tamīz

vaañ imtiyāz-e-nek-o-bad aslā nahīñ rahā

kyuuñ bahr-e-sair aane lage gul-ruḳhān-e-dahr

piirī meñ dil sazā-e-tamāshā nahīñ rahā

kah do ki qabr-e-nāsh bhī kī us kī pā.emāl

nām-o-nishān-e-āshiq-e-rusvā nahīñ rahā

ab tak yahāñ hai ijz o niyāz o vafā kī dhuum

vaañ lutf o iltifāt o madārā nahīñ rahā

kashtī baġhair dasht-navardī ho kis tarah

ashkoñ se bahr ho gayā sahrā nahīñ rahā

mastī meñ raat vo na khule mujh se ham-nashīñ

kuchh e'tibār-e-nashsha-e-sahbā nahīñ rahā

kyuuñ jaa.eñ phir ke kaabe se 'nassāḳh' dair ko

vo sar nahīñ rahā vo saudā nahīñ rahā

piri mein shauq hausla-farsa nahin raha

wo dil nahin raha wo zamana nahin raha

kya zikr-e-mehr us ki nazar mein hai dil wo KHwar

shayan-e-jaur-o-zulm dil-ara nahin raha

jhagDa miTa diya but-e-kafir ne din ka

ab kuchh KHilaf-e-momin-o-tarsa nahin raha

ushshaq-o-bul-hawas mein nahin karte wo tamiz

wan imtiyaz-e-nek-o-bad asla nahin raha

kyun bahr-e-sair aane lage gul-ruKHan-e-dahr

piri mein dil saza-e-tamasha nahin raha

kah do ki qabr-e-nash bhi ki us ki paemal

nam-o-nishan-e-ashiq-e-ruswa nahin raha

ab tak yahan hai ijz o niyaz o wafa ki dhum

wan lutf o iltifat o madara nahin raha

kashti baghair dasht-nawardi ho kis tarah

ashkon se bahr ho gaya sahra nahin raha

masti mein raat wo na khule mujh se ham-nashin

kuchh e'tibar-e-nashsha-e-sahba nahin raha

kyun jaen phir ke kabe se 'nassaKH' dair ko

wo sar nahin raha wo sauda nahin raha