pite hain mai gunah ba-qasd-e-sawab hai

piite haiñ mai gunāh ba-qasd-e-savāb hai

mastī ke valvale haiñ zamān-e-shabāb hai

ai chāragar nadāmat-e-be-jā na lījiyo

dil chaak ho chukā hai jigar aab aab hai

zāhid muaaf zabt-e-tabī.at nahīñ hameñ

sāġhar chhalak rahe haiñ havā-e-shabāb hai

bedāriyāñ haiñ dīda-e-zanjīr kī tarah

vo aañkh hai azal se jo mahrūm-e-ḳhvāb hai

ai shor-e-hashr Thahar ki fursat nahīñ hameñ

haiñ ġhaflatoñ ke josh javānī kā ḳhvāb hai

ai shaiḳh tūl-e-rīsh-e-muqaddas ghaTā.iye

had se ziyāda jo hai usī par azaab hai

ai be-ḳhabar qarīb hai fardā-e-bāz-purs

hushiyār ho ki jald zamān-e-hisāb hai

dekhā nigāh-e-ġhaur se ham ne jo ai 'nasīm'

har sher is ġhazal kā tirī intiḳhāb hai

pite hain mai gunah ba-qasd-e-sawab hai

masti ke walwale hain zaman-e-shabab hai

ai chaaragar nadamat-e-be-ja na lijiyo

dil chaak ho chuka hai jigar aab aab hai

zahid muaf zabt-e-tabiat nahin hamein

saghar chhalak rahe hain hawa-e-shabab hai

bedariyan hain dida-e-zanjir ki tarah

wo aankh hai azal se jo mahrum-e-KHwab hai

ai shor-e-hashr Thahar ki fursat nahin hamein

hain ghaflaton ke josh jawani ka KHwab hai

ai shaiKH tul-e-rish-e-muqaddas ghaTaiye

had se ziyaada jo hai usi par azab hai

ai be-KHabar qarib hai farda-e-baz-purs

hushiyar ho ki jald zaman-e-hisab hai

dekha nigah-e-ghaur se hum ne jo ai 'nasim'

har sher is ghazal ka teri intiKHab hai