pila raha hai zamin ko yahan lahu koi aur

pilā rahā hai zamīñ ko yahāñ lahū koī aur

magar haiñ phuul kisī ke hai surḳh-rū koī aur

tirī talab thī so ham daar tak chale aa.e

ab aarzū koī baaqī na justujū koī aur

ye ittifāq nahīñ hai ki qatl ho jaa.e

tirī kahānī meñ mujh sā hī hū-ba-hū koī aur

hamesha bantī huī baat ko bigāḌte haiñ

kabhī kabhī to maiñ ḳhud hī kabhū kabhū koī aur

kamāl-e-vahdat-o-kasrat maiñ roz dekhtā huuñ

ki tū hī to mire andar hai chār-sū koī aur

maiñ apne aap se ḳhud jīt.tā huuñ hārtā huuñ

nahīñ hai mere alāva mirā adū koī aur

ye shā.irī meñ hai yaktā muḳhālifat meñ vo taaq

na aur koī 'yagānā' na lucknow koī aur

jahān-e-hāsil-e-kun Thiik hai magar 'tāriq'

mujhe banānī hai duniyā-e-rañg-o-bū koī aur

pila raha hai zamin ko yahan lahu koi aur

magar hain phul kisi ke hai surKH-ru koi aur

teri talab thi so hum dar tak chale aae

ab aarzu koi baqi na justuju koi aur

ye ittifaq nahin hai ki qatl ho jae

teri kahani mein mujh sa hi hu-ba-hu koi aur

hamesha banti hui baat ko bigaDte hain

kabhi kabhi to main KHud hi kabhu kabhu koi aur

kamal-e-wahdat-o-kasrat main roz dekhta hun

ki tu hi to mere andar hai chaar-su koi aur

main apne aap se KHud jitta hun haarta hun

nahin hai mere alawa mera adu koi aur

ye shairi mein hai yakta muKHalifat mein wo taq

na aur koi 'yagana' na lucknow koi aur

jahan-e-hasil-e-kun Thik hai magar 'tariq'

mujhe banani hai duniya-e-rang-o-bu koi aur