pise dil uski chitwan par hazaron

pise dil us kī chitvan par hazāroñ

mu-e-be-sāḳhta-pan par hazāroñ

mirī zid se huā hai mehrbāñ dost

mire ehsāñ haiñ dushman par hazāroñ

barā.e-shukr-e-qātil roñgToñ se

zabāneñ haiñ mire tan par hazāroñ

na aTkhelī se chal hote haiñ sadme

dil-e-shaiḳh-o-barahman par hazāroñ

huā sar ḳham na zer-e-teġh jallād

rahe bojh apnī gardan par hazāroñ

tire kushta haiñ ham āñkheñ maleñge

hamāre sañg-e-madfan par hazāroñ

na mal ai luabat-e-chīñ itr-e-gulzār

galā kāTeñge gulshan par hazāroñ

nahīñ ik mard ko duniyā se matlab

mareñ nāmard is zan par hazāroñ

ajab kyā hai agar parvāne be-shamā

jaleñ 'ātish' ke madfan par hazāroñ

pise dil us ki chitwan par hazaron

mu-e-be-saKHta-pan par hazaron

meri zid se hua hai mehrban dost

mere ehsan hain dushman par hazaron

barae-shukr-e-qatil rongTon se

zabanen hain mere tan par hazaron

na aTkheli se chal hote hain sadme

dil-e-shaiKH-o-barahman par hazaron

hua sar KHam na zer-e-tegh jallad

rahe bojh apni gardan par hazaron

tere kushta hain hum aankhen malenge

hamare sang-e-madfan par hazaron

na mal ai luabat-e-chin itr-e-gulzar

gala kaTenge gulshan par hazaron

nahin ek mard ko duniya se matlab

maren namard is zan par hazaron

ajab kya hai agar parwane be-shama

jalen 'atish' ke madfan par hazaron