pise hain dil ziyaada-tar hina se
pise haiñ dil ziyāda-tar hinā se
chalā do gaam bhī jab vo adā se
vo but aa.e idhar bhī bhuul kar raah
duā ye māñgtā huuñ maiñ ḳhudā se
hijāb us kā huā shab māne-e-dīd
naqāb ulTī na chehre kī hayā se
ishāra ḳhanjar-e-abrū kā bas thā
mujhe maarā abas teġh-e-jafā se
bahut bal khā rahī hai zulf-e-jānāñ
bachegī jaan kyuuñ kar is balā se
hai behtar ik karishme meñ hoñ do kaam
madīne jā.ūñ rāh-e-karbalā se
ḳhudā jab be-talab bar laa.e maqsad
uThā.ūñ kyuuñ na haath apne duā se
'nizām' ab uqda-e-dil kyuuñ na hal hoñ
mohabbat hai tujhe mushkil-kushā se
pise hain dil ziyaada-tar hina se
chala do gam bhi jab wo ada se
wo but aae idhar bhi bhul kar rah
dua ye mangta hun main KHuda se
hijab us ka hua shab mane-e-did
naqab ulTi na chehre ki haya se
ishaara KHanjar-e-abru ka bas tha
mujhe mara abas tegh-e-jafa se
bahut bal kha rahi hai zulf-e-jaanan
bachegi jaan kyun kar is bala se
hai behtar ek karishme mein hon do kaam
madine jaun rah-e-karbala se
KHuda jab be-talab bar lae maqsad
uThaun kyun na hath apne dua se
'nizam' ab uqda-e-dil kyun na hal hon
mohabbat hai tujhe mushkil-kusha se
Source:
kulliyat-e-nizam (Pg. 69)
- Author: Mardan Ali Khan Rana
-
- Edition: 1875
- Publisher: Munshi Nawal Kishor, Lucknow
- Year of Publication: 1875
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
