madrase ke azab ne mara

madrase ke azaab ne maarā

Teacheroñ ke itaab ne maarā

patlī patlī to yaad kar lī thiiñ

ek moTī kitāb ne maarā

imtihāñ kā shabāb are tauba

imtihāñ ke shabāb ne maarā

ḳhvāb dekhā thā paas hone kā

us mujhe jhūTe ḳhvāb ne maarā

jitne āsāñ savāl aa.e the

un ke mushkil javāb ne maarā

jis ko daddy bhī paḌh ke paas na hoñ

itne mushkil nisāb ne maarā

tum ko geometryi ne maarā hai

mujh ko zālim hisāb ne maarā

fail hone kā raaz faash kiyā

haa.e chashm-e-pur-āb ne maarā

maiñ ne maarā shahāb ko ik roz

aur mujh ko shahāb ne maarā

madrase ke azab ne mara

Teacheron ke itab ne mara

patli patli to yaad kar li thin

ek moTi kitab ne mara

imtihan ka shabab are tauba

imtihan ke shabab ne mara

KHwab dekha tha pas hone ka

us mujhe jhuTe KHwab ne mara

jitne aasan sawal aae the

un ke mushkil jawab ne mara

jis ko daddy bhi paDh ke pas na hon

itne mushkil nisab ne mara

tum ko geometryi ne mara hai

mujh ko zalim hisab ne mara

fail hone ka raaz fash kiya

hae chashm-e-pur-ab ne mara

main ne mara shahab ko ek roz

aur mujh ko shahab ne mara