pTriyon ki chamakti hui dhaar par fasle apni gardan kaTate rahe

pTriyoñ kī chamaktī huī dhaar par fāsle apnī gardan kaTāte rahe

dūriyāñ manziloñ kī simaTtī rahīñ lamha lamha vo nazdīk aate rahe

zinda machhlī kī shāyad taḌap thī unheñ saare bagule samundar kī jānib uḌe

ret ke zard kāġhaz pe kuchh soch kar naam likh likh ke terā miTāte rahe

narm chāhat kī phailī huī ghaas ko vaqt ke saḳht patthar na rauñdeñ kaheñ

bas yahī ḳhauf apnī nigāhoñ meñ thā muskurāne ko ham muskurāte rahe

chilchilātī huī dhuup kī aañch meñ yuuñ jhulasnā to apnā muqaddar rahā

zehn meñ narm-o-nāzuk ghanī chhāñv se tere āñchal magar sarsarāte rahe

yaas kī ḳhushk Tahnī pe kaise lagā baur ḳhvāboñ kā mujh se na kuchh pūchhnā

zindagī lamha lamha mujhe mil ga.ī qatra qatra vo chāhat luTāte rahe

pTriyon ki chamakti hui dhaar par fasle apni gardan kaTate rahe

duriyan manzilon ki simaTti rahin lamha lamha wo nazdik aate rahe

zinda machhli ki shayad taDap thi unhen sare bagule samundar ki jaanib uDe

ret ke zard kaghaz pe kuchh soch kar nam likh likh ke tera miTate rahe

narm chahat ki phaili hui ghas ko waqt ke saKHt patthar na raunden kahen

bas yahi KHauf apni nigahon mein tha muskurane ko hum muskuraate rahe

chilchilati hui dhup ki aanch mein yun jhulasna to apna muqaddar raha

zehn mein narm-o-nazuk ghani chhanw se tere aanchal magar sarsaraate rahe

yas ki KHushk Tahni pe kaise laga baur KHwabon ka mujh se na kuchh puchhna

zindagi lamha lamha mujhe mil gai qatra qatra wo chahat luTate rahe