purane ghar ka jo sidha sa ek naqsha the

purāne ghar kā jo sīdhā sā ek naqsha the

ye log vo haiñ jo pahle kabhī farishta the

tumhāre husn-e-nazar ne banā diyā manzil

kabhī na jis pe chalā koī ham vo rasta the

dayār-e-dushman-e-jāñ se bahut sahārā milā

tumhāre shahr se nikle to dil shikasta the

baḌe maze meñ rahe maslahat ke shahzāde

jo sach kī raah meñ the un ke haal ḳhasta the

tumheñ bulandī-e-qāmat pe thā ġhurūr magar

the vo to zarf meñ a.alā jo qad meñ pasta the

jo ishtihār bane phir rahe the ġhairat kā

amīr-e-shahr ke aage vo dast-basta the

yahī haiñ hazrat-e-'āqib' jo pārsā haiñ bahut

yahī to bā.is-e-afsāna-e-guzishta the

purane ghar ka jo sidha sa ek naqsha the

ye log wo hain jo pahle kabhi farishta the

tumhaare husn-e-nazar ne bana diya manzil

kabhi na jis pe chala koi hum wo rasta the

dayar-e-dushman-e-jaan se bahut sahaara mila

tumhaare shahr se nikle to dil shikasta the

baDe maze mein rahe maslahat ke shahzade

jo sach ki rah mein the un ke haal KHasta the

tumhein bulandi-e-qamat pe tha ghurur magar

the wo to zarf mein aala jo qad mein pasta the

jo ishtihaar bane phir rahe the ghairat ka

amir-e-shahr ke aage wo dast-basta the

yahi hain hazrat-e-'aqib' jo parsa hain bahut

yahi to bais-e-afsana-e-guzishta the