aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

purani sham nae aanganon ko roti hai

Khwaja Razi Haidar

purani sham nae aanganon ko roti hai

Khwaja Razi Haidar

MORE BYKhwaja Razi Haidar

    purānī shaam na.e āñganoñ ko rotī hai

    kahīñ charāġh kahīñ rat-jagoñ ko rotī hai

    kahīñ ye haal ki hai fāsla javāz-e-safar

    kahīñ ye haal thakan fāsloñ ko rotī hai

    ye shāḳh-e-dil thī hare mausamoñ dil-dāda

    so dasht-e-hijr meñ taaza rutoñ ko rotī hai

    vo aañkh jis ne kabhī hairateñ atā thiiñ

    vo aañkh aaj mirī vahshatoñ ko rotī hai

    ye kaisā tark-e-sukūnat e'tibār uThā

    safar meñ rūh-e-safar hijratoñ ko rotī hai

    guzishta umr se mansūb ik shanāsā.ī

    pas-e-hajūz khaḌī fursatoñ ko rotī hai

    mirā ḳhamīr ye kis ḳhaal hai uThā hai 'razī'

    ki merī ḳhaak ajab maskanoñ ko rotī hai

    purani sham nae aanganon ko roti hai

    kahin charagh kahin rat-jagon ko roti hai

    kahin ye haal ki hai fasla jawaz-e-safar

    kahin ye haal thakan faslon ko roti hai

    ye shaKH-e-dil thi hare mausamon ki dil-dada

    so dasht-e-hijr mein taza ruton ko roti hai

    wo aankh jis ne kabhi hairaten ata ki thin

    wo aankh aaj meri wahshaton ko roti hai

    ye kaisa tark-e-sukunat ka e'tibar uTha

    safar mein ruh-e-safar hijraton ko roti hai

    guzishta umr se mansub ek shanasai

    pas-e-hajuz khaDi fursaton ko roti hai

    mera KHamir ye kis KHal hai uTha hai 'razi'

    ki meri KHak ajab maskanon ko roti hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now