aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

puchh na humse kaise tujh tak naqd-e-dil-o-jaan lae hum

Zubair Rizvi

puchh na humse kaise tujh tak naqd-e-dil-o-jaan lae hum

Zubair Rizvi

MORE BYZubair Rizvi

    pūchh na ham se kaise tujh tak naqd-e-dil-o-jāñ laa.e ham

    kin rāhoñ se bach kar nikle kis kis se katrā.e ham

    raat akelā kar ḳhud ko maiḳhāne le aa.e ham

    kar jhūme jhuum ke nāche der talak lahrā.e ham

    duniyā vāloñ ne jiine sharheñ kaThin lagā.ī thiiñ

    ḳhushbū ban kar phail ga.e ham bādal ban kar chhā.e ham

    kaise kaise rishte joḌe ajnabiyoñ ne bhī ham se

    sāgar tah se do ik motī jab se chun kar laa.e ham

    shahr-e-dil meñ raat koī saudā-gar ban kar aayā thā

    naqd-e-dil-o-jāñ sauñp ke us ko sub.h bahut pachhtā.e ham

    tashbīhoñ ke rañg-mahal meñ koī na tujh ko jaan sakā

    giit sunā kar ġhazleñ kah kar dīvāne kahlā.e ham

    chandā jaisā ruup thā apnā phūloñ jaisī rañgat thī

    tere ġham dhuup meñ jal kar kumlā.e murjhā.e ham

    puchh na hum se kaise tujh tak naqd-e-dil-o-jaan lae hum

    kin rahon se bach kar nikle kis kis se katrae hum

    raat akela pa kar KHud ko maiKHane le aae hum

    pi kar jhume jhum ke nache der talak lahrae hum

    duniya walon ne jine ki sharhen kaThin lagai thin

    KHushbu ban kar phail gae hum baadal ban kar chhae hum

    kaise kaise rishte joDe ajnabiyon ne bhi hum se

    sagar tah se do ek moti jab se chun kar lae hum

    shahr-e-dil mein raat koi sauda-gar ban kar aaya tha

    naqd-e-dil-o-jaan saunp ke us ko subh bahut pachhtae hum

    tashbihon ke rang-mahal mein koi na tujh ko jaan saka

    git suna kar ghazlen kah kar diwane kahlae hum

    chanda jaisa rup tha apna phulon jaisi rangat thi

    tere gham ki dhup mein jal kar kumlae murjhae hum

    Source:

    Funoon(Jadeed Ghazal Number: Volume-002) (Pg. 856)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now