pyar ke aaghosh mein hum ko Thaharna hi nahin
pyar ke aaghosh mein hum ko Thaharna hi nahin
Monika Sharma Sarthi
MORE BYMonika Sharma Sarthi
pyaar ke āġhosh meñ ham ko Thaharnā hī nahīñ
aarzū kī us galī se ab guzarnā hī nahīñ
chīḳheñ merī sun ke bhī jab shab ne nazreñ pher liiñ
ḳhauf kam us tīrgī kā ab to karnā hī nahīñ
ye safar mushkil sahī par ham to chalte jā.eñge
de koī āvāz lekin ab Thaharnā hī nahīñ
ye ġhazab kī raunaqeñ kis kaam kī apne liye
sulh ab ḳhushiyoñ se hargiz ham ko karnā hī nahīñ
aab jab is zindagī kā ho gayā be-kār to
Duub kar dobāra is meñ ab nikharnā hī nahīñ
tum the shāmil thī udāsī bhī janāze par mire
ho chuke ruḳhsat hameñ ab tum pe marnā hī nahīñ
pyar ke aaghosh mein hum ko Thaharna hi nahin
aarzu ki us gali se ab guzarna hi nahin
chiKHen meri sun ke bhi jab shab ne nazren pher lin
KHauf kam us tirgi ka ab to karna hi nahin
ye safar mushkil sahi par hum to chalte jaenge
de koi aawaz lekin ab Thaharna hi nahin
ye ghazab ki raunaqen kis kaam ki apne liye
sulh ab KHushiyon se hargiz hum ko karna hi nahin
aab jab is zindagi ka ho gaya be-kar to
Dub kar dobara is mein ab nikharna hi nahin
tum the shamil thi udasi bhi janaze par mere
ho chuke ruKHsat hamein ab tum pe marna hi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
