pyar ke khaTTe-miThe name wo likhti hai main paDhta hun

pyaar ke khaTTe-mīThe naame vo likhtī hai maiñ paḌhtā huuñ

har shab ko jāne-anjāne vo likhtī hai maiñ paḌhtā huuñ

aaj bhī furqat ke lamhoñ meñ mere naam ke harf-e-adāvat

TeḌhe-meḌhe tirchhe aaḌe vo likhtī hai maiñ paḌhtā huuñ

maiñ nāzuk ehsās likhūñ to bojh tale vo dab jaatī hai

lafz javāban patthar bāñdhe vo likhtī hai maiñ paḌhtā huuñ

roz baqā-e-bāham kī tajvīz pe ham ghul-mil jaate haiñ

baiTh ke aksar maut kināre vo likhtī hai maiñ paḌhtā huuñ

merī ThanDī aah pe vo har tarah samā.at rok chukī hai

lekin apne man kī bāteñ vo likhtī hai maiñ paḌhtā huuñ

jab us kī tausīf likhūñ to ḳhushbū se ḳhushbū likhtā huuñ

badle meñ nā-zebā ta.ane vo likhtī hai maiñ paḌhtā huuñ

pyar ke khaTTe-miThe name wo likhti hai main paDhta hun

har shab ko jaane-anjaane wo likhti hai main paDhta hun

aaj bhi furqat ke lamhon mein mere nam ke harf-e-adawat

TeDhe-meDhe tirchhe aaDe wo likhti hai main paDhta hun

main nazuk ehsas likhun to bojh tale wo dab jati hai

lafz jawaban patthar bandhe wo likhti hai main paDhta hun

roz baqa-e-baham ki tajwiz pe hum ghul-mil jate hain

baiTh ke aksar maut kinare wo likhti hai main paDhta hun

meri ThanDi aah pe wo har tarah samaat rok chuki hai

lekin apne man ki baaten wo likhti hai main paDhta hun

jab us ki tausif likhun to KHushbu se KHushbu likhta hun

badle mein na-zeba tane wo likhti hai main paDhta hun