pyar ke rang-mahal barson mein tayyar hue
pyaar ke rañg-mahal barsoñ meñ tayyār hue
aur ik lamhe meñ ġhā.eb dar-o-dīvār hue
phir jo dekhā to vahāñ kuchh bhī nahīñ thā maujūd
ham to bas aañkh jhapakne ke gunahgār hue
ham siyah-baḳhtoñ ne sūraj nahīñ dekhā barsoñ
sub.h-dam aañkh lagī raat ko bedār hue
ye bhī mumkin hai ki haath aa.e koī aur zamīñ
rāh-e-gum-karda agar qāfila-sālār hue
pyar ke rang-mahal barson mein tayyar hue
aur ek lamhe mein ghaeb dar-o-diwar hue
phir jo dekha to wahan kuchh bhi nahin tha maujud
hum to bas aankh jhapakne ke gunahgar hue
hum siyah-baKHton ne suraj nahin dekha barson
subh-dam aankh lagi raat ko bedar hue
ye bhi mumkin hai ki hath aae koi aur zamin
rah-e-gum-karda agar qafila-salar hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
