pyasa raha main baala-qadi ke fareb mein
pyāsā rahā maiñ bālā-qadī ke fareb meñ
dariyā bahut qarīb thā mujh se nasheb meñ
mauqa milā thā phir bhī na maiñ aazmā sakā
us kī pasand ke ka.ī sikke the jeb meñ
pardes jaane vaalā palaT bhī to saktā hai
itnā kahāñ shakeb thā is nā-shakeb meñ
suntā to hai badan kī ibādat pe āyateñ
aatā nahīñ hai phir bhī kisī ke fareb meñ
khiltā hai us ke jism pe qātil kā bhī libās
kyā aib DhūñDhtā koī us jāma-zeb meñ
bhūkā parinda shāḳh pe baiThā aur uḌ gayā
shāyad koī miThās na thī kachche seb meñ
pyasa raha main baala-qadi ke fareb mein
dariya bahut qarib tha mujh se nasheb mein
mauqa mila tha phir bhi na main aazma saka
us ki pasand ke kai sikke the jeb mein
pardes jaane wala palaT bhi to sakta hai
itna kahan shakeb tha is na-shakeb mein
sunta to hai badan ki ibaadat pe aayaten
aata nahin hai phir bhi kisi ke fareb mein
khilta hai us ke jism pe qatil ka bhi libas
kya aib DhunDhta koi us jama-zeb mein
bhuka parinda shaKH pe baiTha aur uD gaya
shayad koi miThas na thi kachche seb mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
