pyase ko har qatra sagar lagta hai
pyāse ko har qatra sāgar lagtā hai
har manzar ab us kā manzar lagtā hai
ham ne apne qad ko itnā khīñch liyā
jab bhī uThte haiñ chhat meñ sar lagtā hai
aayā hai vo jab to koī baat kare
us kī is ḳhāmoshī se Dar lagtā hai
hotī hai tab apne kī pahchān hameñ
piiTh meñ jab bhī koī ḳhanjar lagtā hai
miltā hai vo jab bhī aa kar ḳhvāboñ meñ
yādoñ kā ek mela shab-bhar lagtā hai
din-bhar ḳhvāb nazar aate haiñ mahloñ ke
shaam Dhale fōt-pāth pe bistar lagtā hai
varna to haiñ 'shoḳh' faqat kuchh dīvāreñ
vo jab aa jaatā hai to ghar lagtā hai
pyase ko har qatra sagar lagta hai
har manzar ab us ka manzar lagta hai
hum ne apne qad ko itna khinch liya
jab bhi uThte hain chhat mein sar lagta hai
aaya hai wo jab to koi baat kare
us ki is KHamoshi se Dar lagta hai
hoti hai tab apne ki pahchan hamein
piTh mein jab bhi koi KHanjar lagta hai
milta hai wo jab bhi aa kar KHwabon mein
yaadon ka ek mela shab-bhar lagta hai
din-bhar KHwab nazar aate hain mahlon ke
sham Dhale foot-path pe bistar lagta hai
warna to hain 'shoKH' faqat kuchh diwaren
wo jab aa jata hai to ghar lagta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
