qaem hai surur-e-mai-e-gulfam hamara
qaa.em hai surūr-e-mai-e-gulfām hamārā
kyā ġham hai agar TuuT gayā jaam hamārā
itnā bhī kisī dost kā dushman na ho koī
taklīf hai un ke liye ārām hamārā
phūloñ se mohabbat hai taqāzā-e-tabī.at
kāñToñ se ulajhnā to nahīñ kaam hamārā
bhūle se koī naam vafā kā nahīñ letā
duniyā ko abhī yaad hai anjām hamārā
ġhair aa ke bane haiñ sabab-e-raunaq-e-mahfil
ab aap kī mahfil meñ hai kyā kaam hamārā
mausam ke badalte hī badal jaatī haiñ āñkheñ
yārān-e-chaman bhuul ga.e naam hamārā
qaem hai surur-e-mai-e-gulfam hamara
kya gham hai agar TuT gaya jam hamara
itna bhi kisi dost ka dushman na ho koi
taklif hai un ke liye aaram hamara
phulon se mohabbat hai taqaza-e-tabiat
kanTon se ulajhna to nahin kaam hamara
bhule se koi nam wafa ka nahin leta
duniya ko abhi yaad hai anjam hamara
ghair aa ke bane hain sabab-e-raunaq-e-mahfil
ab aap ki mahfil mein hai kya kaam hamara
mausam ke badalte hi badal jati hain aankhen
yaran-e-chaman bhul gae nam hamara
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
