qasid nahin ye waqt sawal-o-jawab ka
qāsid nahīñ ye vaqt savāl-o-javāb kā
ab haal ġhair hai dil-e-ḳhāna-ḳharāb kā
tum dekhne kī chiiz ho dekhā kare koī
ye husn ye jamāl ye 'ālam shabāb kā
tamhīd-e-be-ḳhudī thā kahāñ thā havās-o-hosh
ḳhalvat meñ aa ke un kā ulaTnā naqāb kā
kyā ātish-e-firāq ne dil par asar kiyā
in āñsuoñ meñ mere mazā hai kabāb kā
ham ne to apnī aañkh se dekhā nahīñ unheñ
qissa sunā hai hazrat-e-'shankar' ke ḳhvāb kā
qasid nahin ye waqt sawal-o-jawab ka
ab haal ghair hai dil-e-KHana-KHarab ka
tum dekhne ki chiz ho dekha kare koi
ye husn ye jamal ye 'alam shabab ka
tamhid-e-be-KHudi tha kahan tha hawas-o-hosh
KHalwat mein aa ke un ka ulaTna naqab ka
kya aatish-e-firaq ne dil par asar kiya
in aansuon mein mere maza hai kabab ka
hum ne to apni aankh se dekha nahin unhen
qissa suna hai hazrat-e-'shankar' ke KHwab ka
Source:
Dair-o-Haram (Pg. 94)
- Author: Shankar Lal Shankar
-
- Publisher: Sahir Hoshiyaar puri
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
