qabr par hoveñ do na chaar daraḳht
ek kaafī hai sāya-dār daraḳht
thā maiñ dīvāna gor par hai zarūr
bed-e-majnūñ kā sāya-dār daraḳht
hoñ vo bad-baḳht mere saa.e se
ḳhushk hote haiñ bār-dār daraḳht
tū jo ai sarv baaġh meñ jaa.e
samar o gul kareñ nisār daraḳht
past hoñ tujh se ġhairt-e-tūba
ek kyā hoñ agar hazār daraḳht
vāh-re mere aah ke jhoñke
uḌte phirte haiñ kāh-vār daraḳht
maiñ jo tāsīr-e-āh dikhlā.ūñ
koh hil jaa.eñ darkinār daraḳht
bāġh-e-hastī meñ zof-e-pīrī se
'rind' huuñ misl-e-bīkH-ḳhār daraḳht
bāġhbāñ kyuuñ na jaane is ko fuzūl
kar chuke apnī jab bahār daraḳht
qabr par howen do na chaar daraKHt
ek kafi hai saya-dar daraKHt
tha main diwana gor par hai zarur
bed-e-majnun ka saya-dar daraKHt
hon wo bad-baKHt mere sae se
KHushk hote hain bar-dar daraKHt
tu jo ai sarw bagh mein jae
samar o gul karen nisar daraKHt
past hon tujh se ghairt-e-tuba
ek kya hon agar hazar daraKHt
wah-re mere aah ke jhonke
uDte phirte hain kah-war daraKHt
main jo tasir-e-ah dikhlaun
koh hil jaen darkinar daraKHt
bagh-e-hasti mein zof-e-piri se
'rind' hun misl-e-bikH-KHar daraKHt
baghban kyun na jaane is ko fuzul
kar chuke apni jab bahaar daraKHt
Source:
Deewan-e-Rind(Guldast-e-ishq) (Rekhta Website) (Pg. 256)
-
Author:
Rind Lakhnavi
-
- Edition: 1931
- Publisher: Munshi Nawal Kishor, Lucknow
- Year of Publication: 1930
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.