Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

qadah liye hue gul misl-e-baada-KHwar aaya

Imam Bakhsh Nasikh

qadah liye hue gul misl-e-baada-KHwar aaya

Imam Bakhsh Nasikh

MORE BYImam Bakhsh Nasikh

    qadah liye hue gul misl-e-bāda-ḳhvār aayā

    ḳhizāñ chaman se ga.ī mausam-e-bahār aayā

    kisī tarīq se dil meñ agar ġhubār aayā

    huā yaqīn ye mujh ko vo shah-savār aayā

    tamām umr yuuñ ho ga.ī basar apnī

    shab-e-firāq ga.ī roz-e-intizār aayā

    gul-e-savār-o-payāda shikast khā ga.e sab

    chaman meñ jab tan-e-tanhā vo shahsavār aayā

    ḳhabar kare koī zāhid ko aa.e bahr-e-madad

    shikast-e-tauba ko phir mausam-e-bahār aayā

    sharāb kyoñ na chale fasl-e-gul meñ ai zāhid

    ki nahreñ jaarī huiiñ mausam-e-bahār aayā

    diye falak ne mire sar ko kaTte gul-dāġh

    gila nahīñ koī paañv tale jo ḳhaar aayā

    chaman meñ koī gul-e-tar jo shāḳh par dekhā

    to mujh ko yaad vo mahbūb nai-savār aayā

    kabhī jo sair-e-chaman ko vo nai-savār gayā

    gul-e-piyāda ye samjhe ki gul-savār aayā

    lab us ke pista zaqan seb āñkheñ haiñ bādām

    khule jo daañt hañsī meñ nazar anaar aayā

    jo gosh-e-gul na sune baaġh meñ to kyā chāra

    qafas se nāla-e-bulbul hazār baar aayā

    tirī savārī meñ kab panj shāḳhe haiñ ai sarv

    jilau meñ sehn-e-gulistāñ se hai chīnār aayā

    shikast paa.ī hai tauba tarah us ko bhī

    hamāre paas jo ai mai-kasho ḳhumār aayā

    ye nāzukī ke haiñ ma.anī ke baaġh meñ vo gul

    qarīb ātish-e-gul jo gayā buḳhār aayā

    kabhī na qatra diyā ne sāqiyā mujh ko

    udhar na ātish-e-mai koī sharār aayā

    misāl-e-sañg-e-garāñ jaañ nahīñ jo baiTh rahūñ

    ki is jahān meñ huuñ sūrat-e-sharār aayā

    lagā jo tiir tirā sīna-e-mushabbak meñ

    maiñ ḳhush huā ki mire daam meñ shikār aayā

    dikhā ke baaġh meñ āñkheñ chaḌhī huī apnī

    vo nashsha dīda-e-nargis se aaj utaar aayā

    qadah liye hue gul misl-e-baada-KHwar aaya

    KHizan chaman se gai mausam-e-bahaar aaya

    kisi tariq se dil mein agar ghubar aaya

    hua yaqin ye mujh ko wo shah-sawar aaya

    tamam umr yun hi ho gai basar apni

    shab-e-firaq gai roz-e-intizar aaya

    gul-e-sawar-o-payaada shikast kha gae sab

    chaman mein jab tan-e-tanha wo shahsawar aaya

    KHabar kare koi zahid ko aae bahr-e-madad

    shikast-e-tauba ko phir mausam-e-bahaar aaya

    sharab kyon na chale fasl-e-gul mein ai zahid

    ki nahren jari huin mausam-e-bahaar aaya

    diye falak ne mere sar ko kaTte hi gul-dagh

    gila nahin koi panw tale jo KHar aaya

    chaman mein koi gul-e-tar jo shaKH par dekha

    to mujh ko yaad wo mahbub nai-sawar aaya

    kabhi jo sair-e-chaman ko wo nai-sawar gaya

    gul-e-piyaada ye samjhe ki gul-sawar aaya

    lab us ke pista zaqan seb aankhen hain baadam

    khule jo dant hansi mein nazar anar aaya

    jo gosh-e-gul na sune bagh mein to kya chaara

    qafas se nala-e-bulbul hazar bar aaya

    teri sawari mein kab panj shaKHe hain ai sarw

    jilau mein sehn-e-gulistan se hai chinar aaya

    shikast pai hai tauba ki tarah us ko bhi

    hamare pas jo ai mai-kasho KHumar aaya

    ye nazuki ke hain mani ke bagh mein wo gul

    qarib aatish-e-gul jo gaya buKHar aaya

    kabhi na qatra diya tu ne saqiya mujh ko

    udhar na aatish-e-mai ka koi sharar aaya

    misal-e-sang-e-garan jaan nahin jo baiTh rahun

    ki is jahan mein hun surat-e-sharar aaya

    laga jo tir tera sina-e-mushabbak mein

    main KHush hua ki mere dam mein shikar aaya

    dikha ke bagh mein aankhen chaDhi hui apni

    wo nashsha dida-e-nargis se aaj utar aaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now