qadam ke sath ajab ek qadam laga hai miyan

qadam ke saath ajab ik qadam lagā hai miyāñ

mire vajūd ke pīchhe adam lagā hai miyāñ

bajā ki ek hai girye meñ girya-e-yāqūb

mujhe to dāman-e-yūsuf bhī nam lagā hai miyāñ

kuchh aur chāhiye vus.at use ba-qadr-e-nazar

ye ā.īna mirī hairat ko kam lagā hai miyāñ

gar ā.īne ko lage vo bhī zañg ho jaa.e

vo rog ham ko ḳhudā kī qasam lagā hai miyāñ

tumhī batāo ki ham kyā kareñ ba-juz sajda

tumheñ ḳhudā to hameñ vo sanam lagā hai miyāñ

qadam ke sath ajab ek qadam laga hai miyan

mere wajud ke pichhe adam laga hai miyan

baja ki ek hai girye mein girya-e-yaqub

mujhe to daman-e-yusuf bhi nam laga hai miyan

kuchh aur chahiye wusat use ba-qadr-e-nazar

ye aaina meri hairat ko kam laga hai miyan

gar aaine ko lage wo bhi zang ho jae

wo rog hum ko KHuda ki qasam laga hai miyan

tumhi batao ki hum kya karen ba-juz sajda

tumhein KHuda to hamein wo sanam laga hai miyan