qadam qadam pe charagh-e-ada jalate hue

qadam qadam pe charāġh-e-adā jalāte hue

abhī abhī koī guzrā hai muskurāte hue

anā-parast haiñ tah-dāriyoñ meñ jiite haiñ

yahāñ to ronā bhī paḌtā hai muskurāte hue

phir ehtimām kareñ ham na.e charāġhoñ kā

havā guzar ga.ī saare diye bujhāte hue

shab-e-siyāh kī vus.at se ho ke be-parvā

vo baḌh rahā hai diye se diyā jalāte hue

kahīñ vajūd na kho baiThe ye samundar bhī

tumhārī ātish-e-tishna-labī bujhāte hue

bikhar na jaa.e badan bhī misāl-e-reg-e-ravāñ

guzar rahā hai havā ke thapeḌe khāte hue

use tum aañkh meñ apnī chhupā ke rakh lenā

kahīñ mile vo agar tum ko āte-jāte hue

usī pe aa gayā ilzām-e-nā-shanāsā.ī

jo zaḳhm zaḳhm huā ḳhāndāñ bachāte hue

kisī ke dast-e-hunar ke sivā nahīñ kuchh bhī

sañbhal gayā huuñ jo ai 'nūr' Dagmagāte hue

qadam qadam pe charagh-e-ada jalate hue

abhi abhi koi guzra hai muskuraate hue

ana-parast hain tah-dariyon mein jite hain

yahan to rona bhi paDta hai muskuraate hue

phir ehtimam karen hum nae charaghon ka

hawa guzar gai sare diye bujhate hue

shab-e-siyah ki wusat se ho ke be-parwa

wo baDh raha hai diye se diya jalate hue

kahin wajud na kho baiThe ye samundar bhi

tumhaari aatish-e-tishna-labi bujhate hue

bikhar na jae badan bhi misal-e-reg-e-rawan

guzar raha hai hawa ke thapeDe khate hue

use tum aankh mein apni chhupa ke rakh lena

kahin mile wo agar tum ko aate-jate hue

usi pe aa gaya ilzam-e-na-shanasai

jo zaKHm zaKHm hua KHandan bachate hue

kisi ke dast-e-hunar ke siwa nahin kuchh bhi

sanbhal gaya hun jo ai 'nur' Dagmagate hue