qafas se chhuTne pe shad the hum ki lazzat-e-zindagi milegi

Abul Mujahid Zahid

qafas se chhuTne pe shad the hum ki lazzat-e-zindagi milegi

Abul Mujahid Zahid

MORE BYAbul Mujahid Zahid

    qafas se chhuTne pe shaad the ham ki lazzat-e-zindagī milegī

    ye kyā ḳhabar thī bahār-e-gulshan lahū meñ Duubī huī milegī

    jin ahl-e-himmat ke rāstoñ meñ bichhā.e jaate haiñ aaj kāñTe

    unhī ke ḳhūn-e-jigar se rañgīñ chaman har ik kalī milegī

    vo din bhī the jab añdherī rātoñ meñ bhī qadam rāh-e-rāst par the

    aur aaj jab raushnī milī hai to ziist bhaTkī huī milegī

    na.ī sahar ke hasīn sūraj tujhe ġharīboñ se vāsta kyā

    jahāñ ujālā hai sīm-o-zar vahīñ tirī raushnī milegī

    kabhī to nasl-o-vatan-parastī tīrgī ko shikast hogī

    kabhī to shām-e-alam miTegī kabhī to sub.h-e-ḳhushī milegī

    vo ham nahīñ haiñ ki sirf apne ghar meñ sham.eñ jalā ke baiTheñ

    vahāñ vahāñ raushnī kareñge jahāñ jahāñ tīrgī milegī

    talāsh-e-manzil azm-e-mohkam dalīl-e-manzil-rasī hai 'zāhid'

    qadam to apne baḌhāo aage khulī huī raah bhī milegī

    qafas se chhuTne pe shad the hum ki lazzat-e-zindagi milegi

    ye kya KHabar thi bahaar-e-gulshan lahu mein Dubi hui milegi

    jin ahl-e-himmat ke raston mein bichhae jate hain aaj kanTe

    unhi ke KHun-e-jigar se rangin chaman ki har ek kali milegi

    wo din bhi the jab andheri raaton mein bhi qadam rah-e-rast par the

    aur aaj jab raushni mili hai to zist bhaTki hui milegi

    nai sahar ke hasin suraj tujhe gharibon se wasta kya

    jahan ujala hai sim-o-zar ka wahin teri raushni milegi

    kabhi to nasl-o-watan-parasti ki tirgi ko shikast hogi

    kabhi to sham-e-alam miTegi kabhi to subh-e-KHushi milegi

    wo hum nahin hain ki sirf apne hi ghar mein shamen jala ke baiThen

    wahan wahan raushni karenge jahan jahan tirgi milegi

    talash-e-manzil ka azm-e-mohkam dalil-e-manzil-rasi hai 'zahid'

    qadam to apne baDhao aage khuli hui rah bhi milegi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY