aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

qahat-e-wafa-e-ahd-o-paiman hai in dinon

Zuhoor Nazar

qahat-e-wafa-e-ahd-o-paiman hai in dinon

Zuhoor Nazar

MORE BYZuhoor Nazar

    qahat-e-vafā-e-ahd-o-paimāñ hai in dinoñ

    zoroñ pe ehtiyāt-e-dil-o-jāñ hai in dinoñ

    mal.ūn haiñ jo mausam-e-gul ke junūñ meñ haiñ

    matrūk rasm-e-chāk-garebāñ hai in dinoñ

    ye rasm-e-raftagāñ thī farāmosh ho ga.ī

    apne kiye pe kaun pashemāñ hai in dinoñ

    āñkheñ haiñ ḳhushk sūrat-e-sahrā-e-be-giyāh

    siina hujūm-e-ashk se giryāñ hai in dinoñ

    ye kaisā ohda hai ki mirī chashm-e-ḳhvāb meñ

    naqsh-e-qadam bhī dīda-e-jabrāñ hai in dinoñ

    Dartā huuñ apne saañs suntā huuñ jab sadā

    dahshat bahut qarīb-e-rag-e-jāñ hai in dinoñ

    dīda-daroñ ke ghar pe musallat hai tīrgī

    andhoñ anjuman meñ charāġhāñ hai in dinoñ

    bad-tar hai jānvar se bhī dānishvaroñ haal

    jo sochtā nahīñ hai vo insāñ hai in dinoñ

    har bul-havas dhanī hai muqaddar āj-kal

    har be-zamīr sāhab-e-imkāñ hai in dinoñ

    tujh se gilā nahīñ hai ki phir bhī ġhair thā

    merā vajūd mujh se gurezāñ hai in dinoñ

    chāhtā hai rū-e-zamīñ par bikher duuñ

    jo dard merī ruuh meñ pinhāñ hai in dinoñ

    kaise chhuḌā.ūñ kaise likhūñ sharh-e-dard-e-nau

    har ek lafz zīnat-e-zindāñ hai in dinoñ

    yādoñ ke phuul hadd-e-nazar tak khile haiñ phir

    dasht-e-firāq rashk-e-gulistāñ hai in dinoñ

    qahat-e-wafa-e-ahd-o-paiman hai in dinon

    zoron pe ehtiyat-e-dil-o-jaan hai in dinon

    malun hain jo mausam-e-gul ke junun mein hain

    matruk rasm-e-chaak-gareban hai in dinon

    ye rasm-e-raftagan thi faramosh ho gai

    apne kiye pe kaun pasheman hai in dinon

    aankhen hain KHushk surat-e-sahra-e-be-giyah

    sina hujum-e-ashk se giryan hai in dinon

    ye kaisa ohda hai ki meri chashm-e-KHwab mein

    naqsh-e-qadam bhi dida-e-jabran hai in dinon

    Darta hun apne sans ki sunta hun jab sada

    dahshat bahut qarib-e-rag-e-jaan hai in dinon

    dida-daron ke ghar pe musallat hai tirgi

    andhon ki anjuman mein charaghan hai in dinon

    bad-tar hai jaanwar se bhi danishwaron ka haal

    jo sochta nahin hai wo insan hai in dinon

    har bul-hawas dhani hai muqaddar ka aaj-kal

    har be-zamir sahab-e-imkan hai in dinon

    tujh se gila nahin hai ki tu phir bhi ghair tha

    mera wajud mujh se gurezan hai in dinon

    ji chahta hai ru-e-zamin par bikher dun

    jo dard meri ruh mein pinhan hai in dinon

    kaise chhuDaun kaise likhun sharh-e-dard-e-nau

    har ek lafz zinat-e-zindan hai in dinon

    yaadon ke phul hadd-e-nazar tak khile hain phir

    dasht-e-firaq rashk-e-gulistan hai in dinon

    Source:

    Funoon(Jadeed Ghazal Number: Volume-002) (Pg. 239)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now