qaid aur qaid bhi tanhai ki

qaid aur qaid bhī tanhā.ī kī

sharm rah jaa.e shakebā.ī kī

sūjhtā kyā hameñ un āñkhoñ se

shart thī qalb kī bīnā.ī kī

dar-e-but-ḳhāna se baḌhne hī na paa.e

garche ik 'umr jabīñ-sā.ī kī

qais ko nāqa-e-lailā na milā

go bahut bādiya-paimā.ī kī

ham ne har zarre ko mahmil paayā

hai ye qismat tire sahrā.ī kī

vaqf hai us ke liye jān-e-azīz

kā'ba ke ḳhādim o shaidā.ī kī

kā'ba o quds meñ ghar kyā ye bhī

ik adā hai mire harjā.ī kī

nazar aayā hameñ har chiiz meñ tū

us pe ye dhuum hai yaktā.ī kī

ishq aur jaur-e-sitamgar kā gila

had hai ai dil yahī rusvā.ī kī

ishq ko ham ne kyā nazr-e-junūñ

'umr bhar meñ yahī dānā.ī kī

kar ga.ī zinda-e-jāved hameñ

teġh-e-qātil ne masīhā.ī kī

ho na taqlīd dilā maqtal meñ

kahīñ muusā se tamannā.ī kī

na sahī teġh tajallī hī sahī

aañkh jhapke na tamāshā.ī kī

kal ko hai phir vahī zindāñ 'jauhar'

Thiik kyā aap se saudā.ī kī

qaid aur qaid bhi tanhai ki

sharm rah jae shakebai ki

sujhta kya hamein un aankhon se

shart thi qalb ki binai ki

dar-e-but-KHana se baDhne hi na pae

garche ek 'umr jabin-sai ki

qais ko naqa-e-laila na mila

go bahut baadiya-paimai ki

hum ne har zarre ko mahmil paya

hai ye qismat tere sahrai ki

waqf hai us ke liye jaan-e-aziz

ka'ba ke KHadim o shaidai ki

ka'ba o quds mein ghar kya ye bhi

ek ada hai mere harjai ki

nazar aaya hamein har chiz mein tu

us pe ye dhum hai yaktai ki

ishq aur jaur-e-sitamgar ka gila

had hai ai dil yahi ruswai ki

ishq ko hum ne kya nazr-e-junun

'umr bhar mein yahi danai ki

kar gai zinda-e-jawed hamein

tegh-e-qatil ne masihai ki

ho na taqlid dila maqtal mein

kahin musa se tamannai ki

na sahi tegh tajalli hi sahi

aankh jhapke na tamashai ki

kal ko hai phir wahi zindan 'jauhar'

Thik kya aap se saudai ki