qaid meñ bhī hai junūñ dast-o-garebāñ ham se
aa ke ḳhalvat meñ bhī miltā hai bayābāñ ham se
qais saudā-e-ġham-e-gesū-e-lailā ke liye
le gayā chand ḳhayālāt-e-pareshāñ ham se
ishq meñ itnā zamāna hameñ guzrā hai ki log
pūchhte aate haiñ is dard kā darmāñ ham se
koī nāqūs-o-jaras kī nahīñ kartā fariyād
ham jo nālāñ haiñ to har shaḳhs hai nālāñ ham se
haal kā apne hameñ ilm nahīñ un ko hai
raaz rakhte haiñ hamārā bhī vo pinhāñ ham se
qaid-e-ġham se hai rihā.ī bahut āsāñ 'nātiq'
sharm is kī hai ki vābasta hai zindāñ ham se
qaid mein bhi hai junun dast-o-gareban hum se
aa ke KHalwat mein bhi milta hai bayaban hum se
qais sauda-e-gham-e-gesu-e-laila ke liye
le gaya chand KHayalat-e-pareshan hum se
ishq mein itna zamana hamein guzra hai ki log
puchhte aate hain is dard ka darman hum se
koi naqus-o-jaras ki nahin karta fariyaad
hum jo nalan hain to har shaKHs hai nalan hum se
haal ka apne hamein ilm nahin un ko hai
raaz rakhte hain hamara bhi wo pinhan hum se
qaid-e-gham se hai rihai bahut aasan 'natiq'
sharm is ki hai ki wabasta hai zindan hum se
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
