qalam KHamosh hai alfaz ki tasir bole hai

Rahbar Jaunpuri

qalam KHamosh hai alfaz ki tasir bole hai

Rahbar Jaunpuri

MORE BYRahbar Jaunpuri

    qalam ḳhāmosh hai alfāz tāsīr bole hai

    hamārī safha-e-qirtās par tahrīr bole hai

    ḳhudārā ab mujhe āzād kar do qaid-e-paiham se

    machal kar paañv meñ lipTī huī zanjīr bole hai

    ajab me.amār haiñ jin samajh meñ ye nahīñ aatā

    imārat kitnī mustahkam hai ḳhud ta.amīr bole hai

    yahī mahsūs hotā hai ajantā guphāoñ meñ

    ki har tasvīr to chup hai fan-e-tasvīr bole hai

    haqīqat miT nahīñ saktī badal dene se tārīḳheñ

    har ik fan meñ hamārā husn-e-ālam-gīr bole hai

    karishma ye nahīñ to aur kyā hai ḳhūn-e-nāhaq

    hamārī be-gunāhī par yahāñ shamshīr bole hai

    ḳhudā bande se kyā pūchhe vahāñ us razā 'rahbar'

    hathelī lakīroñ meñ jahāñ taqdīr bole hai

    qalam KHamosh hai alfaz ki tasir bole hai

    hamari safha-e-qirtas par tahrir bole hai

    KHudara ab mujhe aazad kar do qaid-e-paiham se

    machal kar panw mein lipTi hui zanjir bole hai

    ajab meamar hain jin ki samajh mein ye nahin aata

    imarat kitni mustahkam hai KHud tamir bole hai

    yahi mahsus hota hai ajanta ki guphaon mein

    ki har taswir to chup hai fan-e-taswir bole hai

    haqiqat miT nahin sakti badal dene se tariKHen

    har ek fan mein hamara husn-e-alam-gir bole hai

    karishma ye nahin to aur kya hai KHun-e-nahaq ka

    hamari be-gunahi par yahan shamshir bole hai

    KHuda bande se kya puchhe wahan us ki raza 'rahbar'

    hatheli ki lakiron mein jahan taqdir bole hai

    Source:

    • Book : Raqs-e-Qalam (Pg. 74)
    • Author : Rehbar Jaunpuri
    • Publication : Mohammad Tariq and Aabshar Ahmad, Shahwar Ahmad (2008)
    • Edition : 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY