qalb-e-warafta mohabbat mein kahin aisa na ho

Naseem Shahjahanpuri

qalb-e-warafta mohabbat mein kahin aisa na ho

Naseem Shahjahanpuri

MORE BYNaseem Shahjahanpuri

    qalb-e-vārafta mohabbat meñ kahīñ aisā na ho

    jis ko apnā samajhtā hai vahī begāna ho

    har sitam par muskurānā merī fitrat hai magar

    dekhiye is zabt anjām kyā ho kyā na ho

    maiñ ne maanā aap ne sab kuchh bhulā Daalā magar

    ġhair-mumkin hai kabhī merā ḳhayāl aatā na ho

    husn ko ye ġham ki jalve ho rahe haiñ be-naqāb

    ishq ko ye fikr nāmūs-e-nazar rusvā na ho

    shauq se bhuul ai bhūlne vaale magar

    is taġhāful meñ koī pahlū tavajjoh na ho

    gir gayā un nigāhoñ se dil-e-ḳhāna-ḳharāb

    merī nazroñ se bhī gir jaa.e kahīñ aisā na ho

    bahar-e-takmīl-e-nazarā ye bhī lāzim hai 'nasīm'

    mere un ke darmiyāñ haa.il koī pardā na ho

    qalb-e-warafta mohabbat mein kahin aisa na ho

    jis ko tu apna samajhta hai wahi begana ho

    har sitam par muskurana meri fitrat hai magar

    dekhiye is zabt ka anjam kya ho kya na ho

    main ne mana aap ne sab kuchh bhula Dala magar

    ghair-mumkin hai kabhi mera KHayal aata na ho

    husn ko ye gham ki jalwe ho rahe hain be-naqab

    ishq ko ye fikr namus-e-nazar ruswa na ho

    shauq se tu bhul ja ai bhulne wale magar

    is taghaful mein koi pahlu tawajjoh ka na ho

    gir gaya un ki nigahon se dil-e-KHana-KHarab

    meri nazron se bhi gir jae kahin aisa na ho

    bahar-e-takmil-e-nazara ye bhi lazim hai 'nasim'

    mere un ke darmiyan hail koi parda na ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY